मुंबई- मुंबईतील कोरोनाचा प्रसार रोखण्यासाठी 16 जानेवारीपासून लसीकरण मोहीम सुरू आहे. या मोहिमेनुसार सोमवार ते बुधवार वॉक इन पद्धतीने येणाऱ्या तर गुरुवार ते शनिवार नोंदणी पद्धतीने येणाऱ्या 45 वर्षावरील नागरिकांचे लसीकरण केले जात आहे. काल 74 हजार 655 लाभार्थ्यांना लस देण्यात आली. 16 जानेवारीपासून आतापर्यंत एकूण 35 लाख 81 हजार 674 लाभार्थ्यांना लस देण्यात आली आहे.
लसीकरणाची आकडेवारी
मुंबईत काल 74 हजार 655 हजार लाभार्थ्यांना लस देण्यात आली. त्यात 67 हजार 667 लाभार्थ्यांना पहिला तर 6 हजार 988 लाभार्थ्यांना दुसरा डोस देण्यात आला. आतापर्यंत एकूण 35 लाख 81 हजार 674 लाभार्थ्यांना लस देण्यात आली. त्यात 28 लाख 13 हजार 35 लाभार्थ्यांना पहिला तर 7 लाख 68 हजार 639 लाभार्थ्यांना दुसरा डोस देण्यात आला. आतापर्यंत आरोग्य कर्मचाऱ्यांना 3 लाख 5 हजार 140, फ्रंटलाईन वर्कर्सला 3 लाख 62 हजार 893, जेष्ठ नागरिकांना 12 लाख 41 हजार 248, 45 ते 59 वर्षामधील नागरिकांना 12 लाख 04 हजार 827 तर 18 ते 44 वर्षामधील नागरिकांना 4 लाख 63 हजार 512, 1 हजार 468 स्तनदा मातांचे तसेच देशाबाहेर शिक्षण घेण्यास जाणाऱ्या 2 हजार 586 विद्यार्थ्यांना लसीचे डोस देण्यात आले आहेत.
लसीकरण मोहीम