Todays Top News in Marathi : आजच्या टॉप न्यूज, वाचा एका क्लिकवर

आज आणि कालच्या महत्त्वाच्या बातम्यांसाठी येथे जाणून घ्या. आजच्या बातम्या, ज्यांच्यावर आपली नजर असेल आणि कालच्या महत्त्वाच्या बातम्या, ज्यांच्याबाबत तुम्हाला माहिती घ्यायला नक्की आवडेल.

आज दिवसभरात -

• बुल्लीबाई अ‍ॅप प्रकरणातील आरोपींच्या जामीनावर आज सुनावणीची शक्यता

बुल्लीबाई अ‍ॅप प्रकरणातील आरोपींच्या जामीनावर आज सुनावणी होण्याची शक्यता आहे. मुंबईच्या वांद्रे न्यायालयाने विशाल कुमार झा, मयंक रावत आणि श्वेता सिंग यांच्या जामीन अर्जावरील निर्णय 20 जानेवारीपर्यंत राखून ठेवला होता. मात्र, या तिघांच्या जामीन अर्जाला मुंबईच्या सायबर पोलिसांनी कडाडून विरोध केलेला.

• अरविंद केजरीवाल पंजाब दौऱ्यावर

'आप'चे राष्ट्रीय संयोजक आणि दिल्लीचे मुख्यमंत्री अरविंद केजरीवाल दोन दिवस पंजाब दौऱ्यावर आहेत. पंजाब निवडणुकांच्या पार्श्वभूमीवर ते चंडीगडला भेट देणार आहेत. दरम्यान, बुधवारी त्यांनी गोवा मुख्यमंत्रीपदासाठी अमित पालेकर यांच्या नावाची घोषणा केली आहे.

• शिवसेना, राष्ट्रवादीच्या उमेदवारांची पहिली यादी जाहीर होण्याची शक्यता

गोवा विधानसभा निवडणुकीसाठी राष्ट्रवादी आणि शिवसेनेने आघाडीची घोषणा केली आहे. राष्ट्रवादीचे प्रवक्ते प्रफुल्ल पटेल आणि शिवसेना प्रवक्ते संजय राऊत यांनी ही संयुक्त पत्रकार परिषद घेऊन माहिती दिली. तसेच, उमेदवारांची पहिली यादी आज आणि दुसरी यादी दोन ते तीन दिवसांत जाहीर करणार असल्याची माहितीही त्यांनी दिली आहे.

• कालीचरण महाराजाच्या जामीन अर्जांवर सुनावणी

महात्मा गांधीवर आक्षेपार्ह वक्तव्य करणाऱ्या कालीचरण महाजावर वर्ध्यात गुन्हा दाखल करण्यात आला होता. त्याप्रकरणी कालीचरण महाराजाला 12 जानेवारीला जिल्हा सत्र न्यायालयात हजर करण्यात आले होते. न्यायालयाने त्यास 14 दिवसांची कोठडी सुनावली होती. तेव्हा कालीचरण महाराजाच्या वकिलाने जामीन अर्ज दाखल केला होता. त्यावर आज सुनावणी पार पडणार आहे.

आजचे राशीभविष्य -

काल दिवसभरात -

राज्यातील नगरपंचायतींच्या निवडणुकीचा आज निकाल लागला. यामध्ये एकूण ३८४ जागा जिंकत भाजपच सर्वात मोठा पक्ष ठरला आहे. मात्र महाविकास आघाडी राज्यात असल्याने शिवसेना, राष्ट्रवादी व काँग्रेस हे तीनही पक्ष मिळून ९४४ जागा जिंकल्याने एकप्रकारे महाविकास आघाडीची सरशी झाल्याचे चित्र आहे.

भारताची प्रसिद्ध महिला टेनिसपटू सानिया मिर्झाला ऑस्ट्रलिया ओपन 2022 मध्ये महिला दुहेरीच्या पहिल्या फेरीत पराभव पत्कारावा लागला होता. त्यानंतर बुधवारी सानिया मिर्झाने आपली निवृती जाहीर केली आहे.

राष्ट्रवादी काँग्रेस पक्षाला घवघवीत मतदान केल्याबद्दल राज्यातील सर्व मतदार बंधू आणि भगिनींचे प्रदेशाध्यक्ष जयंत पाटील यांनी आभार मानले आहेत. जयंत पाटील म्हणाले, की राष्ट्रवादी काँग्रेसने राष्ट्रवादी परिवार संवाद दौरा करून तळागाळातील कार्यकर्त्यांशी थेट संवाद साधला होता. त्यांचे म्हणणे ऐकून घेतले होते. पक्षाच्या बांधणीसाठी विविध उपक्रमे, आंदोलने, कार्यक्रमे हाती घेतली होती.

राज्यात अचानक कोरोनाबाधित आणि ओमायक्रॉनच्या रुग्णांची संख्या वाढल्यामुळे शाळा आणि महाविद्यालय बंद करण्याचा निर्णय घेण्यात आला होता. मात्र, आता अनेक पालक संघटनांनी शाळा सुरू करण्याची मागणी लावून धरली आहे. सोमवारपासून शाळा सुरू करण्याबाबत प्रस्ताव शालेय शिक्षण विभागाने मुख्यमंत्री उद्धव ठाकरे यांच्याकडे प्रस्ताव पाठविण्यात आलेला असल्याची माहिती शालेय शिक्षणमंत्री वर्षा गायकवाड यांनी दिली आहे.