Gulshan Kumar Murder अब्दुल रौफची जन्मठेप कायम, राशिदची मात्र मुक्तता

गुलशन कुमार (Gulshan Kumar Murder) हत्याकांड प्रकरणी मुंबई न्यायालयाने मारेकरी अब्दुल रौफची याचिका फेटाळली आहे. मुंबई सत्र न्यायालयानं रौफला दिलेली जन्मठेपेची शिक्षा योग्य असल्याचं न्यायालयाकडून सांगण्यात आलंय.

मुंबई- गुलशन कुमार हत्याकांड (Gulshan Kumar Murder) प्रकरणी मुंबई उच्च न्यायालयाने मारेकरी अब्दुल रौफ उर्फ दाउट मर्चंटची याचिका फेटाळली आहे. मुंबई सत्र न्यायालयानं रौफला दिलेली जन्मठेपेची शिक्षा योग्य असल्याचं न्यायालयाकडून सांगण्यात आलंय. याशिवाय या प्रकरणातील दुसरा एक आरोपी अब्दुल राशिदची सत्र न्यायालयाने निर्दोष मुक्तता केली होती. त्यालाही उच्च न्यायालयाने दोषी ठरवले आहे. हायकोर्टानं आज स्पष्ट सांगितलं की रौफला माफी दिली जाऊ शकत नाही. कारण पैरोलवर असताना तो बांग्लादेशमध्ये पळून गेला होता. बॉलिवूडमधील म्युझिक इंडस्ट्रीचे प्रसिद्ध संगीत निर्माते गुलशन कुमार यांची 12 ऑगस्ट 1997 रोजी मुंबईतील अंधेरी भागात एका मंदिराबाहेर गोळ्या झाडून हत्या करण्यात आली होती.

कधी झाली होती हत्या..

१२ ऑगस्ट १९९७ रोजी अंधेरीतील एका मंदिराबाहेर गुलशन कुमार यांच्यावर गोळ्या झाडून त्यांची हत्या करण्यात आली होती. गायक नदीम यांच्या सांगण्यानुसार गुलशन कुमार यांची हत्या झाल्याचं म्हटलं जातं. बॉलिवूडमध्ये गुलशन कुमार यांचं नाव उंचावत होतं. त्यामुळे आपलं नाव खराब होईल, या भितीने ही हत्या करण्यात आली. या प्रकरणांमध्ये काही जणांना अटक देखील करण्यात आली होती. त्यापैकी काही लोकांवर खटला चालवण्यात आला होता.

पॅरोलवर सुटल्यानंतर पळून गेला होता आरोपी..

प्रकरणात आरोपी दाऊत मर्चंट याला अटक करण्यात आली होती. त्याच्यावर खटला देखील भरवण्यात आला होता. 2002 मध्ये त्याला जन्मठेपेची शिक्षा सुनावण्यात आली होती. दरम्यान 2009 मध्ये आरोपी दाऊद मर्चंट हा पॅरोलवर बाहेर आला होता. पैरोलवर बाहेर आल्यानंतर आरोपी दाऊद मर्चंट बांगलादेशमध्ये पळून गेला होता. त्यानंतर त्याला बांगलादेश मधून भारतात आणण्यात आले होते.

गुलशन कुमार हत्याकांड प्रकरणी मुंबई हायकोर्टात एकूण चार याचिका दाखल करण्यात आल्या होत्या. यापैकी तीन याचिका अब्दुल रौफ, राकेश चंचला पिन्नम आणि राकेश खाओकर यांना दोषी ठरवण्याच्या विरोधात केल्या होत्या. तर एक याचिका महाराष्ट्र सरकारने दाखल केली होती. या याचिकेत बॉलीवूड निर्माते रमेश तोरानी यांच्या निर्दोष मुक्तता करण्याला आव्हान देण्यात आले होते. तोरानी यांनी आरोपींना हत्येस प्रवृत्त केल्याचा ठपका ठेवण्यात आला होता.