Sanjay Raut on Shinde Fadnavis Government : देवेंद्र फडणवीस यांनी मोठे मन दाखविले असते तर...संजय राऊत यांचे मोठे विधान

संजय राऊत ( Sanjay Raut on new government ) यांनी देवेंद्र फडणवीस आणि शिंदे यांचे सरकार स्थापन झाल्यानंतर प्रतिक्रिया दिली आहे. यामध्ये शिंदे सरकारला शुभेच्छा देत टोलाही लगावला आहे. फडणीस यांनी उपमुख्यमंत्री पद स्वीकारले नाही, याबाबत त्यांनी महत्त्वाचे भाष्य केले आहे.

मुंबई- शिंदे सरकारला आमच्या शुभेच्छा आहेत. आम्ही राजकारण करणार नाही, अशी प्रतिक्रिया संजय राऊत यांनी शिंदे फडणवीस सरकारला दिल्या आहेत. ते माध्यमांशी बोलत होते. देवेंद्र फडणवीसांनी अचानक उपमुख्यमंत्रीपद स्वीकारले आहे. त्याबाबत संजय राऊत म्हणाले, की त्यांच्या पक्षात वरिष्ठांचे आदेश पाळण्याची परंपरा आहे. पक्षादेश पाळावा लागतो, आम्हीही पाळतो, तोच त्यांनीही पाळला आहे.

शिवसेना नेते संजय राऊत ( Sanjay Raut on new government ) म्हणाले की, देवेंद्र फडणवीस हे शिंदेचे राईट हँड मॅन आहेत. दोघांनी मिळून सरकार पुढे न्यावे. आम्ही सत्तेत असताना विरोधकांनी अडथळे आणले. आम्ही पक्ष पुढे नेण्याचा प्रयत्न करणार आहोत. यापूर्वी देवेंद्र फडणवीस यांनी मोठे मन दाखविले असते, तर ते अडीच वर्षे मुख्यमंत्री झाले असते. शिवसैनिकाला मुख्यमंत्री केले असे म्हणणार नाही. जिथे ठाकरे तिथे शिवसेना, ते पक्षप्रमुख म्हणून उद्धव ठाकरेंना मानतात याचा आनंद आहे, अशी भावनाही संजय राऊत यांनी व्यक्त केला.

संजय राऊत आज ईडी कार्यालयात होणार हजर-ईडीने दुसऱ्यांदा नोटीस दिल्यानंतर शिवसेनेचे नेते संजय राऊत आज दुपारी ईडी कार्यालयात हजर राहणार आहेत. त्यांनी ही माहिती ट्विट करून ( Sanjay Raut tweet on ED notice ) दिली आहे. राज्यात सत्तांतर झाले असताना संजय राऊत हे पहिल्यांदा ईडीच्या कार्यालयात जाणार आहेत. यापूर्वी त्यांनी सर्व कायदेशीर प्रक्रियेला सामोरे जाणार असल्याचे म्हटले होते. संजय राऊत यांनी ट्विटमध्ये म्हटले, की मी आज दुपारी १२ वाजता ईडीसमोर हजर ( ED notice Sanjay Raut ) होणार आहे. मला बजावलेल्या समन्सचा मी आदर करतो. तपास यंत्रणांना सहकार्य करणे हे माझे कर्तव्य आहे. मी शिवसेना कार्यकर्त्यांना ईडी कार्यालयात जमू नये असे आवाहन ( Sanjay Raut appeal Shivsena workers ) करतो.

पक्षाचे काम करू नये, यासाठी दबाव -संजय राऊत यांनी गुरुवारी माध्यमांशी बोलताना ईडीच्या नोटीसवरून टीका केली होती. ते म्हणाले होते, की पक्षाच्या कामातून आता कुठे थोडा मला वेळ मिळालाय. त्यामुळे, मी उद्या ईडीला सामोरे जाणार आहे. जी कारवाई होईल त्याला तोंड देणार आहे. मी पक्षाचे काम करू नये यासाठी असा दबाव आणण्याचे प्रयत्न सुरु आहेत. पण, मी मागे हटणार नाही." असा निर्धार राऊत यांनी व्यक्त केला होता.

हजर राहण्यासाठी वेळ वाढवून देण्याची केली विनंती-संजय राऊत ( MP Sanjay Raut ) यांना दोन दिवसांपूर्वीच ईडीने ( ED ) पहिली नोटीस बजावली होती. पहिल्या नोटीसनुसार संजय राऊत यांना आजच ईडी कार्यालयात हजर व्हायचे होते, परंतु संजय राऊत यांच्या वकिलांनी यासंदर्भात हजर होण्यासाठी संजय राऊत यांना वेळ वाढवून देण्याची विनंती केली होती. आता त्यांना 1 जुलै रोजी बोलावण्यात आले आहे. मुंबईतील पत्राचाळ जमीन घोटाळ्यात मोठा आर्थिक गैरव्यवहार झाल्याचा आरोप राऊत यांच्यावर आहे. त्याबाबत त्यांची आज चौकशी होऊ शकते.

नेमके प्रकरण काय?- गोरेगावमधील पत्राचाळ जमीन प्रकरणात १ हजार ३४ कोटींचा घोटाळा झाल्याचा आरोप संजय राऊतांवर ( Sanjay Raut in Goregaon Land corruption ) आहे. यापैकी काही पैसे संजय राऊत यांना मिळाल्याचा आरोप आहे. याच पैशातून संजय राऊत यांनी अलिबागमध्ये भूखंड खरेदी केल्याचा दावा करण्यात आला होता. या भूखंडांची किंमत साधारण ६० लाखांच्या आसपास असल्याचे सांगितले जात आहे. तसेच स्थानिक लोकांना धमकावून हे भूखंड कमी पैशात खरेदी करण्यात आले होते, असाही आरोप संजय राऊत यांच्यावर करण्यात आला आहे. पत्राचाळ जमीन घोटाळा प्रकरणात संजय राऊत यांचे निकटवर्यीय मित्र प्रवीण राऊत यांनाही ईडीने अटक ( Praveen Raut arrested by ED ) करण्यात आली होती.