मुंबई -शिवसेना नेते तथा खासदार संजय राऊत ( Sanjay Raut ) यांना शिवडी न्यायालयाने ( Shivdi court ) दणका दिला आहे. मेघा सोमैया यांच्या मानहानीच्या तक्रारी ( Megha Somaiya defamation case ) प्रकरणात 4 जुलै रोजी न्यायालयात हजर न राहिल्याने त्यांच्या विरोधात जामीनपात्र वॉरंट आज जारी करण्यात आले ( Bailable Warrant Against Sanjay Raut ) आहे. मेधा किरीट सोमैया यांनी दाखल केलेल्या तक्रारीवरून मुंबई महानगर दंडाधिकारीनी संजय राऊत यांच्याविरुद्ध भादंवि कलम 499, 500 साठी वॉरंट जारी केले आहे. या प्रकरणावर पुढील सुनावणी 18 जुलै रोजी होणार आहे.
जामीनपात्र वॉरंट जारी : संजय राऊत यांना न्यायालयाने समन्स बजावले होते. यापूर्वी न्यायालयाने असे निरीक्षण नोंदवले होते की शिवसेना नेते संजय राऊत यांनी प्रथमदर्शनी भाजप नेते किरीट सोमैया यांच्या पत्नी मेधा सोमैया यांच्या विरोधात बदनामीकारक विधाने केली होती आणि त्यांनी दाखल केलेल्या मानहानीच्या खटल्यात शिवसेना नेत्याला समन्स बजावला होता. मेधा यांचे वकील विवेकानंद गुप्ता म्हणाले, या प्रकरणात राऊत यांचे वकीलही प्रतिनिधित्व करत नव्हते. न्यायालयाने पाच हजार रुपयांचे जामीनपात्र वॉरंट जारी केले असून या प्रकरणाची सुनावणी येत्या 18 जुलैपर्यंत तहकूब करण्यात आली आहे.
न्यायालय म्हणाले होते - गेल्या महिन्यात समन्स जारी करताना न्यायालयाने असे म्हटले होते की, राऊत यांनी बोललेले शब्द असे आहेत, ज्यामुळे तक्रारदाराच्या प्रतिष्ठेला हानी पोहोचली आहे. हे तक्रारदाराने प्रथमदृष्टया सिद्ध केले आहे. रेकॉर्डवर तयार केलेल्या कागदपत्रे आणि व्हिडिओ क्लिपमध्ये प्रथमदर्शनी असे दिसून आले आहे की, राऊत यांनी तक्रारदाराविरुद्ध 15 आणि 16 एप्रिल 2022 रोजी बदनामीकारक विधाने केली आहेत. जेणेकरून ते मोठ्या प्रमाणावर लोकांना दिसेल आणि लोक वर्तमानपत्रात वाचतील, असे दंडाधिकारी मोकाशी यांनी नमूद केले.
काय आहे शौचालय घोटाळा प्रकरण?मीरा भाईंदरमध्ये 154 सार्वजनिक शौचालये बांधण्यात आली. यातील 16 शौचालये बांधायचे काम किरीट सोमैया यांच्या पत्नी मेधा सोमैया यांच्या युवक प्रतिष्ठानला देण्यात आलेले होते. या प्रकरणी खोटी कागदपत्र देऊन मीरा भाईंदर पालिकेच्या अधिकाऱ्यांची फसवणूक केल्याचा आरोप शिवसेना आमदारांनी केला होता. प्रताप सरनाईक यांच्याकडून हा आरोप करण्यात आलेला होता. धक्कादायक बाब म्हणजे यातून साडेतीन कोटी रुपयांपेक्षा अधिक रुपयांची बिलेही घेतल्याचा आरोप करण्यात आलेला आहे. विधानसभेमध्ये देखील प्रताप सरनाईक यांनी याबाबत प्रश्न उपस्थित केला होता. त्यानंतर पर्यावरण मंत्री आदित्य ठाकरेंनी याबाबत चौकशी करण्याचे आदेश दिले होते.
काय आहे याचिका -मेधा यांनी आपल्या तक्रारीत राऊत हे एका मराठी वृत्तपत्राचे कार्यकारी संपादक असून शिवसेनेच्या राजकीय पक्षाच्या मुख्य प्रवक्ते हाेते, असे म्हटले आहे. 15 एप्रिल रोजी आणि त्यानंतर त्यांनी तक्रारदाराच्या विरोधात दुर्भावनापूर्ण आणि अनुचित विधाने केली आणि ती छापली गेली, प्रकाशित केली गेली आणि मोठ्या प्रमाणात इलेक्ट्रॉनिक आणि प्रिंट मीडियाद्वारे सामान्य लोकांमध्ये प्रसारित केली गेली. मेधा यांनी पुढे आरोप केला की, राऊत यांनी केलेली ही विधाने अग्रगण्य इलेक्ट्रॉनिक मीडिया चॅनेल आणि सोशल मीडियावर प्रसारित केली गेली आहेत. जी अपमानास्पद आणि बदनामीकारक आहेत. हे सर्व सामान्य लोकांच्या नजरेत आणि तिच्या कुटुंबातील सदस्य आणि मित्रांमध्ये तिची प्रतिमा खराब करण्यासाठी केले गेले आहे. कोर्टात मेधा यांच्या वकिलाने राऊत यांनी केलेली व्हिडीओ क्लिप आणि निवेदन सादर केले. वृत्तपत्रांच्या कटिंग्जच्या प्रती देखील तयार केल्या गेल्या. आपल्या याचिकेत मेधा यांनी माटुंगा येथील रामनारियन रुईया कॉलेजमध्ये 20 वर्षांहून अधिक काळ प्राध्यापक म्हणून कार्यरत होती. 25 हून अधिक सेवाभावी संस्थांच्या उपक्रमांमध्ये योगदान देत आहे आणि झोपडपट्टी विकासात तिला डॉक्टरेट प्रदान करण्यात आली आहे. त्यांची समाजात चांगली प्रतिष्ठा आहे आणि ती समाजात शैक्षणिक आणि सामाजिक क्षेत्रात ओळखली जाते, असेही याचिकेत नमूद केले आहे.
हेही वाचा -Shinde group spokesperson Deepak Kesarkar : गद्दार म्हणताना दहा वेळा विचार करावा; आम्ही बाळासाहेब, उद्धव ठाकरेंचा मान ठेवतो - दीपक केसरकर
