Sharad Pawar On Gyanvapi : 'ज्ञानवापी, ताजमहल सारख्या ऐतिहासीक स्थळांवरून होणाऱ्या वादात भाजपाचा सहभाग'

देशात सद्या ऐतिहासीक स्थळांवरून वाद ( Dispute On Historical Place ) सुरू असताना राष्ट्रवादी काँग्रेसचे अध्यक्ष शरद पवार ( Sharad Pawar ) यांनी भाजपावर जोरदार टीका केली आहे. गेल्या तीन-चारशे वर्षांत मशिदीचा विषय ( Gyanvapi Mosque Dispute ) कोणीही काढला नाही. या सगळ्या वादात भारतीय जनता पार्टी आणि संबंधित ( Sharad Pawar Criticized BJP ) संघटना सहभागी असल्यचा आरोप त्यांनी केला आहे.

मुंबई -देशात सद्या ऐतिहासीक स्थळांवरून वाद ( Dispute On Historical Place ) सुरू असताना राष्ट्रवादी काँग्रेसचे अध्यक्ष शरद पवार ( Sharad Pawar ) यांनी भाजपावर जोरदार टीका केली आहे. गेल्या तीन-चारशे वर्षांत मशिदीचा विषय ( Gyanvapi Mosque Dispute ) कोणीही काढला नाही. अयोध्या प्रकरण संपल्यानंतर वाराणसीचा मुद्दा ऐरणीवर आला. या सगळ्या वादात भारतीय जनता पार्टी आणि संबंधित संघटना सहभागी असल्यचा आरोप त्यांनी केला आहे.

काय म्हणाले शरद पवार? -आज देशातील परिस्थिती वेगळी आहे. आज काही राजकीय पक्षांकडून जातीयवादी विचारसरणीचा पुरस्कार करण्याचे धोरण सुरू झाले आहे. जातीयवादी विचाराला बळ देण्याचा कार्यक्रम ज्यांच्या हातात देशाचे सरकार आहे तेच लोक करत आहेत. अयोध्या प्रकरण संपल्यानंतर देशात शांतता नांदेल, अशी आमची इच्छा होती. पण भाजपची विचारसरणी वेगळी आहे. असे आणखी विषय काढून देशातील वातावरण बिघडवण्याचा प्रयत्न केला जात आहे. अयोध्या प्रकरण संपल्यानंतर वाराणसीचा मुद्दा पुढे करून वातावरण बिघडवण्याकडे लक्ष दिले जात आहे. वाराणसीत एक मंदिर आहे. मंदिराला विरोध नाही. पण मंदिराजवळ मशीदही आहे. आज मशिदीवरून नवा मुद्दा उपस्थित करून देशात जातीय वातावरण निर्माण करण्याचे षडयंत्र रचले जात आहे. वाराणसीचे मंदिर जितके जुने आहे, तितकीच ज्ञानवापी मशीदही खूप जुनी आहे. गेल्या तीन-चारशे वर्षांत मशिदीचा विषय कोणीही काढला नाही. अयोध्या प्रकरण संपल्यानंतर वाराणसीचा मुद्दा ऐरणीवर आला. भारतीय जनता पक्ष आणि त्यांच्या सर्व संघटना या कामात सहभागी झाल्या आहेत, ही अत्यंत खेदाची बाब आहे. या देशात अशी अनेक ठिकाणे आहेत, जिथे देशासोबतच जगभरातील लोक अभिमान बाळगतात. ताजमहालसारखी वास्तुकला ही आपल्या देशाची ओळख आहे. आज राजस्थानचा कोणीतरी समोर येतो आणि म्हणतो की ताजमहाल आमचा आहे. आमच्या पूर्वजांनी ते बनवले. दिल्लीचा कुतुबमिनार कोणी बांधला हे जगाला माहीत आहे. तेथील न्यायालय यासंदर्भात निर्देश देणार आहे. पण काही लोक कुतुबमिनार हिंदूंनी बांधल्याचा दावा करत आहेत. मी या गोष्टी ठेवत आहे कारण आज देशाची खरी समस्या महागाई आहे. मोदी सरकार आणि भाजप आज देश चालवत आहे. एक मुद्दा संपला की नवा मुद्दा समोर आणायचा, असा त्यांचा अजेंडा आहे. काहीही करून देशात हिंदू-मुस्लिम आणि ख्रिश्चन लोकांमधील बंधुभाव कायमच संपला पाहिजे आणि हे लोक आपला जातीय अजेंडा चालवतील.

हेही वाचा -IPL 2022: गुजरात टायटन्स फायनलमध्ये.. राजस्थान रॉयल्सचा 7 विकेट्सनी पराभव