Raj Thackeray : शिंदे-भाजप सरकारमध्ये अमित ठाकरेंना मंत्रीपद?; राज ठाकरे म्हणाले, 'त्या सर्व बातम्या...'

शिंदे-भाजप सरकारचा मंत्रिमंडळ ( Shinde BJP Government ) विस्तार लवकरच होणार आहे. त्यामध्ये अमित ठाकरेंची मंत्रिपदी वर्णी लागण्याची शक्यता ( Shinde BJP Government Offers Amit Thackeray Maharashtra Cabinet ) आहे. मात्र, मनसे अध्यक्ष राज ठाकरेंनी या वृत्ताचे खंडण केलं ( Raj Thackeray Denied News Amit Thackeray Maharashtra Cabinet ) आहे.

मुंबई - महाराष्ट्रातील महाविकास आघाडी सरकार कोसळून शिंदे-भाजप सरकार ( Shinde BJP Government ) स्थापन झाले. शिंदे-भाजर सरकारचा मंत्रिमंडळ विस्तार काही दिवसांत होण्याची शक्यता आहे. त्या मंत्रिमंडळ विस्तारात मनसे अध्यक्ष राज ठाकरे यांचे पुत्र अमित ठाकरेंची वर्णी लागण्याची चर्चा सध्या रंगली ( Shinde BJP Government Offers Amit Thackeray Maharashtra Cabinet ) आहे. मात्र, यावरती आता राज ठाकरेंची स्पष्टीकरण दिलं आहे. या सर्व बातम्या खोट्या असल्याची माहिती राज ठाकरेंनी दिली ( Raj Thackeray Denied News Amit Thackeray Maharashtra Cabinet ) आहे.

उपमुख्यमंत्री देवेंद्र फडणवीस यांनी शुक्रवारी ( 15 जुलै ) मनसे अध्यक्ष राज ठाकरे यांची भेट घेतली. मुंबईतील दादर येथील ठाकरे यांच्या ‘शिवतीर्थ’ या निवासस्थानी दोघांमध्ये जवळपास दीड तास चर्चा झाली. राज ठाकरे यांच्यावर गेल्या महिन्यात लीलावती रुग्णालयात हिप बोनची शस्त्रक्रिया करण्यात आली होती. शस्त्रक्रियेनंतर फडणवीस यांची ठाकरें सोबतची ही पहिलीच भेट आहे.

'त्या बातम्या खोट्या' -राज ठाकरेंचे पुत्र अमित ठाकरेंना कॅबिनेट मंत्री केले जाऊ शकते, अशी चर्चा होती. मात्र, देवेंद्र फडणवीसांची भेट झाल्यानंतर राज ठाकरेंनी या वृत्तांचे खंडण केलं आहे. 'या सर्व बातम्या खोट्या आहेत,' असे स्पष्टीकरण राज ठाकरेंनी दिलं आहे. तसेच, या बैठकीत आगामी नागरी निवडणुका, विशेषत: बीएमसी निवडणुकांबाबत चर्चा झाल्याचे सांगण्यात येत आहे. गेल्या 30 वर्षांपासून शिवसेनेची सत्ता असलेल्या बीएमसीच्या सत्तेवर भाजपची नजर आहे.

मनसेचा खंबीर पाठिंबा -शिवसेनेतून बंडखोरी करून एकनाथ शिंदे राज्याचे मुख्यमंत्री झाले आहेत. पण, मंत्रिमंडळ विस्तार अद्याप झालेला नाही. ३० जून रोजी एकनाथ शिंदे यांनी मुख्यमंत्रिपदाची तर देवेंद्र फडणवीस यांनी उपमुख्यमंत्रीपदाची शपथ घेतली. राष्ट्रपतीपदाच्या निवडणुकीनंतर महाराष्ट्रात मंत्रिमंडळ विस्तार होणार असल्याचे सांगण्यात येत आहे. या सर्व राजकीय सत्तानाट्यात मनसेचा भाजपला खंबीर पाठिंबा राहिलेला आहे.

मुंबई महापालिका निवडणुकीवर चर्चा - याआधी राज ठाकरे यांनी देवेंद्र फडणवीस राज्याच्या उपमुख्यमंत्रीपदी निवड झाल्याबद्दल त्यांचे अभिनंदन केले होते. पक्षाच्या हायकमांडचा निर्णय मान्य करून उपमुख्यमंत्री झाल्याबद्दल त्यांनी फडणवीस यांचे कौतुकही केले होते. बृहन्मुंबई महानगरपालिकेच्या (BMC) आगामी निवडणुका आणि मुख्यमंत्री एकनाथ शिंदे यांच्या नेतृत्वाखालील महाराष्ट्र मंत्रिमंडळाचा प्रलंबित विस्ताराच्या पार्श्वभूमीवर दोन्ही नेत्यांमधील भेटीला महत्त्व आहे.

हेही वाचा -Shiv Sena leader Sanjay Raut in Nagpur : हे सरकार हिंदुत्वद्रोही; खरे मुख्यमंत्री फडणवीसच-संजय राऊत