मुंबई - देवेंद्र फडणवीस यांनी अनेक ओबीसी नेत्यांचा आवाज बंद करण्याचे काम केले, असा आरोप ओबीसी नेते प्रकाश शेंडगे यांनी केला आहे. तसेच पक्षाने एकनाथ खडसे, पंकजा मुंडे आणि अनिल गोटे अशा अनेक नेत्यांवर अन्याय केल्याचे त्यांनी सांगितले.
देवेंद्र फडणवीस यांनी अनेक ओबीसी नेत्यांचा आवाज बंद करण्याचे काम केले, असा आरोप ओबीसी नेते प्रकाश शेंडगे यांनी केला
भाजपमधील ओबीसी गटाची बाजू मांडण्यासाठी आज पत्रकार परिषद घेण्यात आली. यावेळी शेंडगे यांनी माजी मुख्यमंत्री देवेंद्र फडणवीस यांच्यावर टीकास्त्र सोडून भाजपला घरचा आहेर दिला. पत्रकार परिषदेत त्यांच्यासोबत पक्षातील इतर ओबीसी नेते उपस्थित होते. भाजपचा मूळ गाभा बहुजन समाज असून, हा समाज पक्षातून बाहेर पडल्यास भाजप पूर्णपणे संपून जाईल, असे ते म्हणाले.