Poonam Mahajan Twitter : 'दोन्ही मर्दांनी हिंदुत्वसाठी युती केली होती'! पुनम महाजन यांचे ट्विट

दिवंगत शिवसेनाप्रमुख बाळासाहेब ठाकरे यांच्या जयंतीनिमित्त उद्धव ठाकरे यांनी राज्यभरातील शिवसैनिकांशी रविवारी संवाद साधला. (Poonam Mahajan's Twitter) यावेळी त्यांनी भाजपावर निशाणा साधत काळजीवाहू विरोधक पूर्वी मित्र होते ही खंत आहे कारण आपणच त्यांना पोसले. (Sanjay Raut's Twitter) आपली २५ वर्षे युतीमध्ये सडली. यांना राजकारणाचे गजकर्ण झाले आहे अशी टीका केली. त्यावर आता आता ट्विटर वॉर रंगले आहे.

मुंबई - शिवसेना-भाजपमधील संघर्ष चिघळत असून आता ट्विटर वॉर रंगले आहे. शिवसेना नेते संजय राऊत यांनी खुर्चीवर बसलेले बाळासाहेब ठाकरे आणि प्रमोद महाजन उभे असलेले कार्टून ट्विट करत कोण कोणामुळे वाढले, (Poonam Mahajan's Twitter) 'उघडा डोळे बघा नीट' या मथळ्याखाली प्रसिद्ध केले आहे. (BJP Shiv Sena Hindutva) दरम्यान, यावरप्रमोद महाजन यांच्या कन्या पूनम महाजन यांनी तिखट भाषेत प्रतिक्रिया दिली आहे. (CM Uddhav Thackeray) 'दोन्ही मर्दानी हिंदुत्वसाठी युती केली होती, नामर्दासारखे कार्टून दाखवू नका, अशा शब्दात राऊत यांचा समाचार घेतला आहे. त्यामुळे हा वाद आता चांगलाच चिघळला आहे.

शिवसेना-भाजपमधील ट्विटर वॉर

हा वाद शांत होत असतानाच संध्याकाळी राऊत यांच्या नव्या ट्विटने या वादाला हवा मिळाली

बाळासाहेब ठाकरे यांच्या जयंतीनिमित्त पक्षप्रमुख उद्धव ठाकरे यांनी शिवसैनिकांशी संवाद साधताना, भाजपसोबतची पंचवीस वर्षाची युती सडली, असा हल्लाबोल केला. (Anniversary of Balasaheb Thackeray) यामध्ये भाजपवर हिंदुत्वावरून हल्ला केला. शिवसेना नेते संजय राऊत यांनी देखील भाजपच्या कार्यपद्धतीवर आक्षेप नोंदवले. त्यानंतर पत्रकार परिषद घेत विरोधी पक्ष नेते देवेंद्र फडणवीस यांनी शिवसेनेचे आरोप खोडून काढण्याचा प्रयत्न केला. (Devendra Fadnavis on Uddhav Thackeray ) सेना नेते संजय राऊत यांनी या आरोपांचे खंडन करताना भाजपच्या हिंदुत्वाचा समाचार घेतला. विस्मरण झालेल्या भाजपला शिवसेनेच्या इतिहासाची माहिती करून देण्यासाठी शिबिर भरणार असल्याचे स्पष्ट केले. हा वाद शांत होत असतानाच संध्याकाळी राऊत यांच्या नव्या ट्विटने या वादाला हवा मिळाली आहे.

काय आहे ट्विट

संजय राऊत यांनी ट्विटर वर 1990 च्या शिवसेना-भाजप युतीचा कार्टून पोस्ट केला आहे. यामध्ये बाळासाहेब ठाकरे एका खुर्चीवर बसले असून समोर एका रिकाम्या खुर्चीवर पाय ठेवले आहेत. या खुर्चीजवळ दिवंगत भाजप नेते प्रमोद महाजन हातात सीट ऍडजस्टमेंट असा उल्लेख असलेले कागदपत्रे घेऊन उभे असल्याचे दिसत आहे. तर बाळासाहेब ठाकरे हॅव अ सीट असं बोलत असल्याचे कार्टून काढण्यात आले आहे. हे कार्टून संजय राऊत यांनी आज ट्विट करत, कोण कोणामुळे वाढले, उघडा डोळे, बघा नीट असा स्लग दिला आहे. या ट्विटरनंतर प्रमोद महाजन यांच्या कन्या व खासदार पूनम महाजन यांनी राऊत यांना खडे बोल सुनावले आहेत. स्वर्गीय बाळासाहेब आणि स्वर्गीय प्रमोद महाजन या दोन मर्दांनी हिंदुत्वासाठी युती केली होती. नामर्दासारखे कार्टून दाखवू नका, असा इशारा दिला आहे. या दोन्ही ट्विट खाली संमिश्र प्रतिक्रिया उमटत आहेत.

हेही वाचा -National Tourism Day 2022 : जगात एकमेव असणारी वेरूळ लेणी घडवते तीन धर्मांचे दर्शन