मुंबई - मालाड आणि बांगूर नगर पोलीस ठाण्याकडून त्यांच्या भागातील तीन बनावट कॉल सेंटरमध्ये छापे टाकण्यात आले. या छापेमारीदरम्यान 18 जणांना अटक करण्यात आली. तसेच 45 संगणक हार्ड डिस्क, 14 लॅपटॉप, 28 मोबाइल, राउटर व इतर साहित्य जप्त केले आहे. कॉल सेंटर चालक स्वत:ला गूगलचा अधिकृत प्रतिनिधी सांगून अमेरिकन लोकांची फसवणूक करीत होता. तर इतर दोन कॉल सेंटरमध्ये बनावट अमेरिकन व्हिएग्रा आणि इतर लैंगिक औषधे विकत होते.
पोलिसांनी छापा टाकून तीन बनावट कॉल सेंटरचा केला पर्दाफाश..
झोन 11चे डीसीपी विशाल ठाकूर यांना विशेष सूत्रांनी मालाड व बांगूर नगर पोलीस ठाण्याच्या हद्दीत बेकायदेशीरपणे सुरू असलेल्या तीन अवैध कॉल सेंटरची माहिती दिली. त्याच्या आधारे बुधवारी रात्री उशिरा दोन्ही पोलीस ठाण्यातील अधिकाऱ्यांच्या नेतृत्वात छापा टाकण्यात आला, अशी माहिती डीसीपी विशाल ठाकूर यांनी सांगितले.