मुंबई:मुंबई विद्यापीठाच्या पीएचडी आणि एमफील प्रवेश परीक्षेसाठीचे वेळापत्रक जाहीर केले आहे. त्यानुसार २५ मार्च रोजी एमफील तर २६ आणि २७ मार्च २०२१ रोजी पीएचडी प्रवेश परीक्षा होणार आहे. एकूण ८० विषयांसाठी ही परीक्षा ऑनलाइन पद्धतीने होणार असून याबाबतचे सविस्तर विषयनिहाय वेळापत्रक विद्यापीठाच्या संकेतस्थळावर उपलब्ध करून देण्यात आले आहे
सराव परीक्षा
पेठ परीक्षेच्या नियोजनाचा भाग म्हणून १२ ते १७ मार्च दरम्यान विद्यार्थ्यांना माँक (सराव) परीक्षा देता येईल. यासाठी विद्यार्थ्यांना लघुसंदेश आणि ईमेल वर माहिती पाठविण्यात येणार असल्याचे परीक्षा व मूल्यमापन मंडळाचे संचालक डॉ. विनोद पाटील यांनी सांगितले आहे. मुंबई विद्यापीठाने गेल्या वर्षी २७ फेब्रुवारी ते १८ मार्च २०२० दरम्यान पेट परीक्षासाठी ऑनलाईन अर्ज मागवले होते. त्यास चार वेळा मुदतवाढ देण्यात आली होती. आतापर्यंत विद्यापीठाकडे पेट परीक्षेसाठी ११ हजार ७५९ एवढे अर्ज प्राप्त झाले आहे. यामध्ये पीएचडीसाठी ११ हजार ३५२ तर एमफीलसाठी ४०७ एवढे अर्ज प्राप्त झाले आहे. तर पीएचडीसाठी ४ हजार ९१४ एवढे विद्यार्थी असून 6 हजार ४३७ विद्यार्थ्यांनीचा समावेश आहे. शिवाय एमफीलस १९७ विद्यार्थी आणि २१० विद्यार्थीनीचा समावेश आहे.
इतके आहे अर्ज
पीएचडीसाठी विद्याशाखानिहात वाणिज्य आणि व्यवस्थापन शाखेसाठी २०७२, मानव्यविद्या ३२९९, आंतरविद्याशाखा ६८९ आणि विज्ञान आणि तंत्रज्ञान शाखेसाठी ५ हजार २९१ एवढे अर्ज प्राप्त झाले आहेत. तर एमफील प्रवेश परीक्षेच्या ४०७ अर्जांपैकी वाणिज्य आणि व्यवस्थापन शाखेसाठी १०१, माणव्यविद्या २३९ आंतर विद्याशाखा २० आणि विज्ञान आणि तंत्रज्ञान शाखेसाठी ४७ एवढे अर्ज प्राप्त झाले आहेत. या दोन्ही परीक्षेसाठी महाराष्ट्रातून ११ हजार २२ आणि इतर राज्यातून ७३७ एवढे अर्ज प्राप्त झाले आहेत अशी माहिती मुंबई विद्यापीठाचे उपकुलसचिव लीलाधर बन्सोड यांनी दिली.
पीएचडी आणि एमफील वेळापत्रक जाहीर; 25 ते 27 मार्च 2021 दरम्यान होणार परीक्षा - एफील परीक्षा बातमी
एकूण ८० विषयांसाठी ही परीक्षा ऑनलाइन पद्धतीने होणार असून याबाबतचे सविस्तर विषयनिहाय वेळापत्रक विद्यापीठाच्या संकेतस्थळावर उपलब्ध करून देण्यात आले आहे.
Breaking News