मुंबई- डॉक्टर पायलच्या परिवाराने आरोग्य मंत्री गिरीश महाजन यांची भेट घेतली. यावेळी त्यांनी आरोपींवर कारवाई करण्याची मागणी केली. त्यासह नेमण्यात आलेल्या चौकशी समितीने दोन दिवसात या प्रकरणावर तोडगा काढावा, अशी विनंतीही त्यांनी केली. अन्यथा तोडगा न निघाल्यास एक जूनपासून नायर रुग्णालय बंद करू, असा इशाराही त्यांनी दिला.
आरोग्य मंत्री गिरीश महाजन यांनी देखील पोलीस प्रशासन व रुग्णालय प्रशासनाला तसे आदेश द्यावेत, अन्यथा राजिनामा द्यावा, अशी मागणी सामाजिक कार्यकर्ते व विद्यार्थ्यांनी यावेळी केली. डॉक्टर पायल तडवी प्रकरणी रुग्णालय प्रशासनाच्या व्यवस्थापक दोषी आहेत. त्यांच्यावर देखील कारवाई करा, या मागणीसाठी आज देखील नायर रुग्णालयाबाहेर सामाजिक संस्थांनी निदर्शने केली. संबंधित आरोपींना नायर रुग्णालयातील प्रशासनाची फूस आहे. पोलीस अजूनपर्यंत कारवाई का करत नाही, असा देखील त्यांनी सवाल यावेळी उपस्थित केला. रुग्णालयात डॉक्टर पायल यांचे कुटुंब व सामाजिक कार्यकर्ते आरोग्यमंत्री व विद्यार्थ्यांनी चौकशी समितीची भेट घेतली.
