मुंबई - एवढं मोठे वादळ येणार याची कल्पना दिली असताना, हे सगळं घडले आहे. याला पूर्णपणे ओएनजीसी जबाबदार आहे. यासंदर्भात गुन्हे दाखल करण्यात आले आहेत. ५० मृतदेह आतापर्यंत बाहेर काढण्यात आले आहेत. या संपूर्ण प्रकरणाची चौकशी होईल, मग जे जे कंत्राटदार आहेत त्यांच्यावर गुन्हा दाखल करणार असल्याची माहिती मुंबईचे पालकमंत्री अस्लम शेख यांनी दिली आहे.
माहिती देताना मुंबईचे पालकमंत्री अस्लम शेख
तसेच केंद्राने मृतांच्या नातेवाईकांना मदत केली पाहीजे. चौकशी होणे हे योग्य आहे. मुंबई पोलिसांनी गुन्हा दाखल केला आहे. ओएनजीसी केंद्र सरकारच्या अखत्यारित येते. केंद्र सरकारने संपूर्णपणे कारवाई केली पाहीजे. राज्य सरकारकडून जे प्रयत्न करता आले ते केले, चौकशीनंतर कोणालाही सोडणार नाही, अशी प्रतिक्रिय अस्लम शेख यांनी दिली आहे.
हेही वाचा -पंजाबच्या मोगामध्ये कोसळलं हवाई दलाचं मिग-२१ विमान; जवान हुतात्मा