मुंबई - महानगरपालिका यंदाच्या गणेश विसर्जनासाठी सज्ज झाली असून 445 विसर्जन स्थळं निश्चित करण्यात आली आहेत. यासाठी सुमारे 23 हजार कर्मचारी तैनात ठेवण्यात आले आहेत. दरवर्षीच्या तुलनेत ही संख्या तिप्पट आहे. यंदाचा गणेशोत्सव नेहमीपेक्षा वेगळ्या पद्धतीने साजरा होत आहे. त्यामुळे खबरदारीचा उपाय म्हणून पालिकेच्या कर्मचाऱ्यांची संख्या वाढवण्याचा निर्णय घेण्यात आलाय.
महानगरपालिका यंदाच्या गणेश विसर्जनासाठी सज्ज झाली असून 445 विसर्जन स्थळं निश्चित करण्यात आली आहेत. महापालिका क्षेत्रातील श्री गणेश मूर्ती विसर्जन स्थळांची आकडेवारी
कृत्रिम तलाव संख्या-168 , मूर्ती संकलन केंद्र- 170, फिरती विसर्जन स्थळे -37, नैसर्गिक विसर्जन स्थळे -70 एकूण विसर्जन स्थळे 445
स्टील प्लेट -८९६ ,
नियंत्रण कक्ष -७८,
जीव रक्षक -६३६,
मोटर बोट -६५,
प्रथमोपचार केंद्र -६९, रुग्णवाहिका संख्या- ६५, स्वागतकक्ष -८१ ,
तात्पुरती शौचालय- ८४,
निर्माल्य कलश -३६८
निर्माल्य वाहन /डंपर/ टेम्पो- ४६७(तसेच आवश्यकतेनुसार त्या त्या भागात वाहन व्यवस्था करण्यात आली आहे)
फ्लड लाईट - २७१७
सर्च लाईट -८३
विद्युत व्यवस्था- आवश्यकतेनुसार
संरक्षण कठडे -आवश्यकतेनुसार
निरीक्षण मनोरे- ४२
जर्मन तरफा -४५
मनुष्यबळ(कर्मचारी)- १९५०३
मनुष्यबळ (अधिकारी)- ३९६९
मारे 23 हजार कर्मचारी तैनात ठेवण्यात आले आहेत. पालिकेचे आवाहन
• घरगुती गणेशोत्सव साजरा करणाऱ्या भाविकांनी गणेशमूर्तींचे विसर्जन शक्‍यतो घरच्‍या-घरी बादलीत किंवा ड्रममध्‍ये करावे.
• मुंबई शहरात एकूण ७० नैसर्गिक विसर्जन स्थळे आहेत. या नैसर्गिक विसर्जन स्‍थळांवर नागरिकांना किंवा सार्वजनिक गणेशोत्सव मंडळांच्‍या कार्यकर्त्‍यांना थेट पाण्‍यात जाऊन मूर्ती विसर्जन करण्‍यास प्रतिबंध आहे. १ ते २ मीटर अंतरातील गणेश भक्तांनी मूर्ती नैसर्गिक विसर्जन स्थळी उपलब्ध असलेल्या महापालिकेच्या कर्मचाऱ्यांकडे द्यायच्या आहेत.
• नैसर्गिक विसर्जन स्‍थळांवर महापालिकेद्वारे अतिरिक्‍त मनुष्यबळ आणि मूर्ती संकलनाची शिस्‍तबद्ध व्यवस्था उपलब्ध करण्यात आली आहे.
• नैसर्गिक विसर्जन स्‍थळांवरील गर्दी कमी होण्‍यासाठी महापालिकेच्या २४ विभागांमध्‍ये सुमारे १६८ कृत्रिम तलाव निर्माण करण्यात आले आहेत. कृत्रिम तलावालगत राहणाऱ्या भाविकांना नैसर्गिक विसर्जन स्‍थळांवर जाण्‍यास मनाई असल्‍याने या कृत्रिम तलावाचा वापर लगतच्‍या भाविकांनी करणे बंधनकारक आहे.
गणपती विसर्जनासाठी महापालिका सज्ज; 445 विसर्जन स्थळं निश्चित; मनुष्यबळ वाढवले • महापालिकेच्या प्रत्‍येक विभागांतर्गत ७ ते ८ गणेशमूर्ती संकलन केंद्रे निर्माण करण्यात आली आहेत. त्‍याची माहिती तसेच कृत्रिम तलावांची माहिती पत्‍त्‍यासह तसेच गुगल लोकेशनसह महापालिकेच्या https://portal.mcgm.gov.in या संकेत स्‍थळावर उपलब्ध आहे.
• प्रतिबंधित क्षेत्रात असणा-या सार्वजनिक गणेशोत्सव मंडळाच्‍या मूर्तीचे विसर्जन मंडपातच करायचे आहे; किंवा विसर्जनाची तारीख पुढे ढकलावी लागणार आहे. सील केलेल्या इमारतींमधील गणेशमूर्तींची व्यवस्था घरीच करायची आहे, याची कृपया नोंद घ्‍यावी.
• मूर्ती संकलन केंद्रांवर, कृत्रिम तलावांवर किंवा नैसर्गिक विसर्जन स्‍थळांवर उपलब्ध महापालिकेच्या व्‍यवस्‍थापनाकडे मूर्ती सुपूर्द करण्‍यापूर्वी मूर्तीची यथासांग पूजा व आरती घरीच किंवा मंडळाच्‍या मंडपातच करून घेणे बंधनकारक आहे.
• महापालिकेने विशेष व्यवस्था म्हणून ट्रकवर टाक्‍या किंवा इतर व्यवस्था करून फिरत्या विसर्जन स्थळांची सोय केली आहे.
• २०२० गणेशोत्‍सवा दरम्‍यान कोणत्‍याही मिरवणुकीस परवानगी नाही, याची देखील भाविकांनी नोंद घ्‍यावी.
• विसर्जना दरम्‍यान सोशल डिस्टन्सचे देखील पालन करणे आवश्यक असल्याचे पालिकेने सांगितले. मास्‍क, सॅनिटायझर वापरणे इत्‍यादी आरोग्‍य संबंधित नियमांचे काटेकोरपणे पालन करावे, असे आवाहन महापालिका प्रशासनाद्वारे करण्यात आले आहे.
