मुंबई -उत्तर प्रदेशमध्ये सरकार फिल्मसिटी काढायला निघाले आहे, ज्या राज्यात महिला सुरक्षित नाहीत. अशा ठिकाणी साक्षीदार संरक्षण कायदा लागू करणे आणि संबंधित मुलींना संरक्षण देणे त्याचबरोबर बलात्कारातील आरोपींना लवकरात लवकर शिक्षा होणे हे अतिशय गरजेचे आहे. अशी प्रतिक्रिया नीलम गोऱ्हे यांनी दिली आहे.
उत्तर प्रदेश सरकारचा बेजबाबदारपणा आणि अतिशय अयोग्य वर्तन, या विषयाकडे लक्ष वेधणारे पत्र राष्ट्रपती आणि राज्यपालांकडे दिलेले आहे. त्यासोबत गुन्हेगारांना एक महिन्याच्या आत फाशीची शिक्षा व्हावी, अशी मागणी करण्यात आली आहे. हाथरसच्या घटनेमधून परत एकदा महिलांच्या सुरक्षेसंदर्भात उतर प्रदेशातील भीषण वास्तव समोर आले आहे.
नीलम गोऱ्हे हाथरस घटनेवर प्रतिक्रिया देताना