Mumbai NIA Raid : एनआयएने छापेमारी केलेल्या 15 लोकांना नोटीस, बोलवले चौकशीला

मुंबई - एनआयएकडून काल केलेल्या छापेमारीमध्ये 15 लोकांना नोटीस ( NIA Summoned 15 People ) देऊन आज चौकशीला बोलवले आहे. एनआयएने काल एकूण 29 ठिकाणी छापे टाकले ( NIA Raids In Mumbai ) होते. कारवाई दरम्यान लॅपटॉप, मोबाईल फोन, रिअल इस्टेटमधील गुंतवणुकीशी संबंधित कागदपत्रे, मोठी रक्कम आणि अग्निशस्त्रे जप्त केली आहेत. एनआयएने काल एकूण 15 हून अधिक लोकांची चौकशी केली आणि त्यांना नोटीस देऊन सोडण्यात आले. एनआयएने अनेकांना आज पुन्हा चौकशीसाठी बोलावले आहे.

मुंबई - एनआयएकडून काल केलेल्या छापेमारीमध्ये 15 लोकांना नोटीस ( NIA Summoned 15 People ) देऊन आज चौकशीला बोलवले आहे. एनआयएने काल एकूण 29 ठिकाणी छापे टाकले ( NIA Raids In Mumbai ) होते. कारवाई दरम्यान लॅपटॉप, मोबाईल फोन, रिअल इस्टेटमधील गुंतवणुकीशी संबंधित कागदपत्रे, मोठी रक्कम आणि अग्निशस्त्रे जप्त केली आहेत. एनआयएने काल एकूण 15 हून अधिक लोकांची चौकशी केली आणि त्यांना नोटीस देऊन सोडण्यात आले. एनआयएने अनेकांना आज पुन्हा चौकशीसाठी बोलावले आहे.

एनआयएची 15 जणांना नोटीस - अंडरवर्ल्ड डॉन दाऊद इब्राहिमच्या संबंधित व्यक्तींविरोधात आज एनआयएने मुंबईत 24 तर मीरा भाईंदर परिसरामध्ये 5 ठिकाणी छापेमारी केली आहे. मुंबई आणि ठाणे परिसरात 29 ठिकाणी एनआयएने छापेमारी केली होती. या प्रकरणात एनआयएने 15 लोकांना चौकशीसाठी हजर राहण्याची नोटीस बजावण्यात आले आहे. आज या सर्वांची टेन या कार्यालयात चौकशी होणार आहे.

यांची मुख्य चौकशी - दाऊद इब्राहिम संबंधातील सर्व प्रकरणाचा तपास केंद्रीय गृहमंत्रालयाने एनआयए लास्ट पोल यानंतर या प्रकरणात यावर्षी 3 फेब्रुवारी रोजी गुन्हा दाखल केला आहे. अंडरवर्ल्ड डॉन दाऊद इब्राहिम साथीदार छोटा शकील, जावेद चिकना, टायगर मेनन, इक्बाल मिर्ची, दाऊदची बहीण हसीना पारकर यांच्याशी संबंधित व्यक्ती आणि नातेवाईक यांचा समावेश आहे.

सहा जणांना घेतले ताब्यात - सोमवारी केलेल्या कारवाईमध्ये सहा जणांना ताब्यात घेतले होते. या सर्वांची चौकशी केल्यानंतर या सर्वांना सोडून देण्यात आले. पुन्हा आज काही आवश्यक कागदपत्रासह या सहा जणांसह इतर 9 लोकांना देखील आज एनआयए कार्यालयात चौकशी करिता बोलवले आहे. त्यामध्ये छोटा शकील चे नातेवाईक सलीम फ्रूट, माहीम आणि हाजी अली दर्गाचे ट्रस्टी सुहैल खंडवानी, चित्रपट निर्माता समीर हिंगोरा, अब्हुल कयूम याच्यासह आणखी दोन जणांना ताब्यात घेतले आहे. 1993 च्या मुंबई बॉम्बस्फोटातील प्रकरणाशी संबंधित चौकशी NIA कडून सुरू आहे.

कागदपत्रासह शस्त्रास्त्र केली जप्त - एनआयएने ज्या प्रकरणात छापेमारी केली ते हाजी अनीस म्हणजे अनीस इब्राहिम शेख, शकील शेख उर्फ छोटा शकील, जावेद पटेल उर्फ जावेद चिकना आणि इब्राहिम मुश्ताक अब्दुल रज्जाक मेमन उर्फ दाऊद इब्राहिम कासकर आणि त्याच्या साथिदारांचा समावेश असलेल्या डी कंपनीच्या आंतरराष्ट्रीय दहशतवादी कारवायांशी संबंधित असल्याची माहिती एएनआयकडून देण्यात आलीय. तसेच दाऊदच्या संशयित साथिदारांकडून इलेक्ट्रॉनिक उपकरणे, रिअल इस्टेटमधील गुंतवणुकीची कागदपत्रे, रोख रक्कम आणि शस्त्रास्त्र जप्त करण्यात आल्याची माहितीही एनआयएने दिली आहे.

छापा टाकलेली सर्व ठिकाणे दाऊद इब्राहिमच्या हस्तकांची - रियल इस्टेट तसेच अन्य माध्यमातून जमा झालेला पैसा हा आंतरराष्ट्रीय दहशतवादी संघटना लष्कर-ए-तयबा, जैश-ए-मोहम्मद आणि अल् कायदा या सारख्या दहशतवादी संघटनांना पुरवल्या जात असल्याचा दावा देखील NIAने आपल्या प्रसिद्धी पत्रकात म्हटले आहे. तसेच छापा टाकण्यात आलेली सर्व ठिकाण ही दशवतवादी दाऊद इब्राहिमच्या हस्तकांची असल्याचेही NIA ने सांगितले आहे.

अद्याप एनआयएकडून कुणालाही अटक नाही - गृह मंत्रालयाने फेब्रुवारी 2022 मध्ये दाऊद इब्राहिमशी संबंधित प्रकरणाचा तपास एनआयएकडे सोपवला होता. सेनेकडून सुरू असलेल्या कारवाईमध्ये सहा व्यक्तींना ताब्यात घेण्यात आले आहे. त्यांच्याकडून या सर्व प्रकरणाची चौकशी करण्यात येत आहे, मात्र अद्याप एनआयएकडून कुणालाही अटक करण्यात आले नसल्याची माहिती देण्यात आली आहे.

एनआयए कडून 29 ठिकाणी छापे - एनआयएने बोरिवली, सांताक्रूझ, वांद्रे, नागपाडा, गोरेगाव, परळ येथील 29 ठिकाणी छापे टाकले आहेत. गृह मंत्रालयाच्या आदेशानुसार एनआयएने दाऊद इब्राहिम, डी कंपनीविरोधात गुन्हा दाखल केला होता. ज्यावर ही चौकशी आणि छापेमारी सुरू आहे. डी कंपनी ही संयुक्त राष्ट्रांनी प्रतिबंधित दहशतवादी संघटना आहे. 1993 च्या मुंबई बॉम्बस्फोटातील आरोपी दाऊदला 2003 मध्ये यूएनने जागतिक दहशतवादी म्हणून घोषित केले होते. त्याच्यावर 25 दशलक्ष बक्षीसही ठेवण्यात आले होते.

1993 च्या मुंबई बॉम्बस्फोटातील प्रकरणाची चौकशी सुरू - आज केलेल्या कारवाईमध्ये आतापर्यंत यांना येणे सहा जणांना ताब्यात घेतले आहे. त्यामध्ये छोटा शकील चे नातेवाईक सलीम फ्रूट, माहीम आणि हाजी अली दर्गाचे ट्रस्टी सुहैल खंडवानी, चित्रपट निर्माता समीर हिंगोरा, अब्हुल कयूम याच्यासह आणखी दोन जणांना ताब्यात घेतले आहे. मात्र त्यांचे नाव अद्याप कळू शकले नाही आहे. 1993 च्या मुंबई बॉम्बस्फोटातील प्रकरणाशी संबंधित चौकशी NIA कडून सुरू आहे. चित्रपट निर्माता समीर हिंगोरा यांची चौकशी नंतर एनआयए अधिकारी समीर हिंगोरा यांच्या कार्यालयातून निघून गेले आहे.

हेही वाचा -Pune Crime News : धक्कादायक : दुचाकीला रस्ता न दिल्याने लाथाबुक्यांनी मारहाण करुन केला खून