Mumbai Corporation : मुंबईतील खड्डे बुजवण्यासाठी पालिकेकडून नव्या तंत्रज्ञानाची चाचपणी

मुंबईमधील रस्त्यावर दरवर्षी पावसाळ्यात खड्डे पडतात. हे खड्डे बुजवण्यासाठी कोल्डमिक्सचा वापर केला जातो. मात्र, त्याच ठिकाणी पुन्हा खड्डे पडत असल्याने ते बुजवण्यासाठी नवीन तंत्रज्ञान वापरण्याचा निर्णय मुंबई महापालिकेने घेतला ( new technology by Mumbai Corporation fill potholes ) आहे.

मुंबई - मुंबईमधील रस्त्यावर दरवर्षी पावसाळ्यात खड्डे पडतात. हे खड्डे बुजवण्यासाठी कोल्डमिक्सचा वापर केला जातो. मात्र, त्याच ठिकाणी पुन्हा खड्डे पडत असल्याने ते बुजवण्यासाठी नवीन तंत्रज्ञान वापरण्याचा निर्णय मुंबई महापालिकेने घेतला आहे. जिओ पॉलिमर, पेव्हर ब्लॉक, एम ६०० आणि रॅपिड हार्डनिंग यासारख्या तंत्रज्ञानाचा वापर करून सिमेंट कॉंक्रिट रोड आणि डांबरी (अस्फाल्ट) रोडवरील खड्डे बुवण्यात आले. यामधील चांगले तंत्रज्ञान पुढे खड्डे बुजवण्यासाठी वापरण्यात येणार ( new technology by Mumbai Corporation fill potholes ) आहे.

जिओ पॉलिमर तंत्रज्ञान - पावसाळ्यात मुंबईतील रस्त्यावर खड्डे पडत असल्याने मोठ्या प्रमाणात सिमेंट कॉंक्रिट रोडचे काम हाती घेण्यात येत आहे. अनेकदा सिमेंटच्या रस्त्यावरही खड्डे पडतात. अशावेळी संपूर्ण सिमेंट ब्लॉक दुरूस्त करणे खर्चाचे तसेच वेळ खाऊ प्रक्रिया आहे. खड्डे बुजवल्यावर वाहतूकही थांबवावी लागते. यासाठी जिओ पॉलिमरचा वापर केला जाणार आहे. या तंत्रज्ञानाचा वापर करून २ इंच ते ४ इंचापर्यंतचे खड्डे बुजवण्यासाठी हे मटेरिअल उपयुक्त आहे. त्यामध्ये सीसी रोडला पडलेल्या खड्ड्यांची दुरूस्ती करणे शक्य आहे. यासाठी ५ हजार रूपये प्रति चौरस मीटर इतका तंत्रज्ञानाचा खर्च असणार आहे. जिओ पॉलिमर हे पेटंट असणारे मटेरिअल असून, त्यामध्ये एडेसिव्हचा वापर करण्यात आला आहे. त्यामुळे अवघ्या दोन तासांमध्ये त्या मार्गावरील वाहतूक सुरू करणे शक्य होते.

पेव्हर ब्लॉक -डांबरी रस्त्यांवरील खड्डे बुजवण्यासाठी सर्वात स्वस्त अशा पेव्हर ब्लॉक तंत्रज्ञानाचा वापर करण्यात आला आहे. हे तंत्रज्ञान अवघ्या ५०० रूपये चौरस मीटर इतके स्वस्त आहे. महत्वाचे म्हणजे चांगल्या दर्जाचे पेव्हर ब्लॉक वापरून दीर्घकाळ वापरात येणारे हे तंत्रज्ञान आहे. पेव्हर ब्लॉकला आयुष्यमान अधिक आहे. तसेच अवजड वाहनांच्या रस्त्यावरही हे उपयुक्त ठरणारे असे तंत्रज्ञान आहे.

एम ६०० तंत्रज्ञान -एकप्रकारच्या सिमेंटचा वापर या तंत्रज्ञानासाठी होतो. या प्रकारात एम ६०० हे सिमेंटच्या रस्त्यावरील खड्डे बुजवण्यासाठी वापरण्यात आले. हे सिमेंट वापरून खड्डे बुझवण्यासाठी सात दिवस इतका कालावधी लागतो.

रॅपिड हार्डनिंग -पॉलिमर, कॉंक्रिटचा वापर करून खड्डे बुजवण्याचे हे तंत्रज्ञान आहे. या तंत्रज्ञानात खड्डा बुजवण्यासाठी सात ते आठ तासांचा कालावधी लागतो. रॅपिड हार्डनिंगमुळे कोल्डमिक्सच्या तुलनेत हे मटेरिअल घट्ट पकड घेते. परंतु, तुलनेत हा पर्याय खर्चिक आहे. या पर्यायात प्रति चौरस मीटरसाठी २३ हजार रूपये इतका खर्च येतो. मात्र, इतर तीन तंत्रज्ञानाच्या तुलनेत हा महागडा पर्याय आहे.


रस्त्यांवर चार तंत्रज्ञानाचा प्रयोग -खड्डे बुजवण्यासाठी नवीन तंत्रज्ञान वापरले जाणार आहे. एकूण चार तंत्रज्ञानाचा वापर केला जाणार आहे. यामध्ये यशस्वी ठरणारे तंत्रज्ञान येत्या काळात वापरण्यात येईल. या तंत्रज्ञानात कोणते तंत्रज्ञान यशस्वी ठरते हे पाहणे महत्वाचे ठरेल. त्यानुसार यशस्वी तंत्रज्ञान मुंबईतील रस्त्यांवर वापरले जाणार आहे अशी प्रतिक्रिया महापालिकेच्या पायाभूत सुविधेचे उपायुक्त उल्हास महाले यांनी दिली.

हेही वाचा -Jayashree Mahajan : 'शिवसेना सोडून शिंदे गटात येण्यासाठी दबाव'; जळगावच्या महापौरांचा गंभीर आरोप