मुंबई : नवाब मलिक यांनी आज कोंबडा आणि कोंबड्याला मांजराचे तोंड असलेला फोटो ट्विट ( Nawab Malik Tweet ) केला आहे. ट्विट केल्यावर क्षणातच त्यावर नेटिझन्सच्या तुफान प्रतिक्रिया ( Netizens Reactions Nawab Malik Tweet ) येत आहेत. या ट्विटमध्ये नवाब मलिक यांनी शेअर केलेल्या फोटोवर ‘पेहचान कौन?’ असा प्रश्न देखील लिहिला आहे. नवाब मलिक यांनी ट्विट करताच नेटिझन्सनेही त्यावर प्रतिक्रिया देत आपापले अंदाज व्यक्त करण्यास सुरुवात केली आहे.
मालिकांचा रोख राणेंकडे?
गुरुवारी विधानसभेचे कामकाज ( Maharashtra Assembly Winter Session 2021 ) सकाळी 11 वाजता कामकाज सुरु होण्याअगोदर विधिमंडळाच्या पायर्‍यांवर बसून भाजपा आमदार सरकार विरोधात घोषणाबाजी करत होते. त्याच दरम्यान पर्यटनमंत्री आदित्य ठाकरे हे विधान भवनात आले असता, विरोधकांनी म्याऊ- म्याऊ- म्याऊ- म्याऊ अशा घोषणा देत त्यांना डिवचण्याचा प्रयत्न केला. विशेष म्हणजे आमदार नितेश यांनी हा शब्द अगोदर उच्चारला व त्याला इतर आमदारांनी साथ दिली ( Nitesh Rane Teased Aaditya Thackeray ) . यावेळी भाजपाचे नेते हसताना पाहायला मिळाले. त्यानंतर आता मलिक यांनी कोंबडा आणि मांजर असलेला फोटो ट्विट केल्याने त्यांचा रोख हा राणेंकडे तर नाही ना असा सवाल उपस्थित होत आहे.