मुंबईत मुस्लिम तरुणींनी केला बुरख्यामध्ये योग अभ्यास

आज भारतामध्ये विविध राज्यांमध्ये योग दिनानिमित्त वेगवेगळे उपक्रम राबवले जात आहेत. मुंबईत मुस्लिम तरुणींनी योग दिनानिमित्ताने बुरख्यामध्ये योग अभ्यास केला आहे.

मुंबई- संपूर्ण जगामध्ये 21 जून हा आंतरराष्ट्रीय योग दिवस म्हणून साजरा केला जात आहे. आज भारतामध्ये विविध राज्यांमध्ये योग दिनानिमित्त वेगवेगळे उपक्रम राबवले जात आहेत. मुंबईमध्ये सुद्धा अशाच एका अनोख्या उपक्रमाचा शुभारंभ भाजपचे नगरसेवक अतुल शहा यांच्या हस्ते करण्यात आलेला आहे. आज सकाळीच मुस्लिम युवतींनी बुरख्या मध्ये योगा केला आहे. यामार्फत वेगळा संदेश देण्याचा प्रयत्न तरुणींनी केला आहे.

संयुक्त राष्ट्राच्या 177 देशांचा पाठींबा

गेल्या कित्येक दशकांपासून भारताची ओळख असलेल्या योग साधना आता आंतरराष्ट्रीय दिवस म्हणून साजरा केला जात आहे. संयुक्त राष्ट्राने 21 जून हा दिवस 'आंतरराष्ट्रीय योग दिन' म्हणून घोषित केला. संयुक्त राष्ट्राच्या 177 देशांनी या प्रस्तावाला पाठिंबा दिला होता. या पाठिंब्यासह 21 जून हा जागतिक 'योग दिन' म्हणून साजरा केला जात आहे.

फुप्फुस निरोगी ठेवण्यास करते मदत

कोरोनाकाळात प्राणायाम फुप्फुस निरोगी ठेवण्यास मदत करते. कच्छवा, वशिष्ट प्राणायाम ऑक्सिजनची पातळी वाढविण्यास फायदेशीर आहे. प्राणायाममुळे मोठ्या प्रमाणात रुग्ण घरीच बरे झाले आहेत. यावेळी प्राणायाम बाबत मार्गदर्शन करण्यात आले होते.

हेही वाचा -नियमित योगा, प्राणायाम करा, आजारांना दूर पळवा - नितीन गडकरी