Mumbai Police Action Against Rash Driving : वेगाची मर्यादा ओलांडणाऱ्या लाखो वाहन चालकांवर कारवाई मुंबई पोलिसांची कारवाई

भरधाव किंवा बेदरकारपणे वाहन चालविणाऱ्यांमुळे मोठ्या प्रमाणात अपघात ( Road Accident In Mumbai ) होत आहेत. चालकांना आळा घालण्यासाठी महामार्ग पोलिसांनी मोठी ( Mumbai Police Action Against Rash Driving ) कारवाई सुरु केली आहे.

मुंबई -भरधाव किंवा बेदरकारपणे वाहन चालविणाऱ्यांमुळे मोठ्या प्रमाणात अपघात ( Road Accident In Mumbai ) होत आहेत. चालकांना आळा घालण्यासाठी महामार्ग पोलिसांनी मोठी ( Mumbai Police Action Against Rash Driving ) कारवाई सुरु केली आहे. यंदा राज्यभरात वेग मर्यादा ओलांडणाऱ्या ३ लाख ८२ हजार चारचाकींवर कारवाई करत ७६ कोटी ४० लाख २४ हजार रुपये दंड वसूल केला आहे.

अशी आहे कारवाईची आकडेवारी -वेग मर्यादा ओलांडल्याने महामार्गांवर अधिक अपघात होत आहेत. वेग मर्यादेकडे दुर्लक्ष करत वाहन हाकणाऱ्या चालकांनाही वाहतूक विभागाने कारवाई करत दणका दिला आहे. वाहतूक विभागाने दिलेल्या आकडेवारीनुसार, राज्यात यावर्षी वेग मर्यादेचे उल्लंघन केलेल्या ३ लाख ८२ हजार १३ हलक्या चारचाकी वाहनांसह १ हजार ८७१ दुचाकी व तीनचाकी, ७ हजार ९८६ इतर वाहने आणि २४ ट्रॅक्टर्सवर दंडात्मक कारवाई केली आहे. या कारवाईतून दुचाकी व तीनचाकीस्वारांवर १८ लाख ६६ हजार रुपये, हलक्या चारचाकी वाहनांवर ७६ कोटी ४० लाख २४ हजार रुपये, इतर वाहनांवर २ कोटी ६७ लाख ८८ हजार रुपयांचा दंड आकारण्यात आला आहे. एक्‍स्प्रेस मार्गावर होणाऱ्या अपघातांमध्ये प्रमुख कारण अतिवेगाने वाहने चालवणे हे आहे. त्यामुळे महामार्ग वाहतूक पोलिसांनी अशा वाहन चालकांविरोधात मोहीम सुरू केली आहे.

कारवाईचा दणका - भरधाव वाहन चालविणाऱ्या चालकांना रस्त्यावरच थांबून त्यांच्याकडून पोलीस दंड वसूल करत होते. एखादा चालक अशाप्रकारे नियम मोडताना दिसल्यास आणि त्याला तिथेच थांबविणे शक्य नसल्यास पुढील वाहतूक चौकीवर असणाऱ्या पोलिसाला वॉकीटॉकीद्वारे कळवून कारवाई केली जात होती. तरीही चालकांकडून वाहतूक नियमांना तिलांजली दिली जात होती. ही कारवाई अधिक कठोरतेने व्हावी आणि त्यात वाढ व्हावी यासाठी वाहतूक पोलिसांनी गेल्या काही वर्षात राज्यातील महामार्गावर स्पीड कॅमेरे बसविण्यात आले आहे. राज्यातील एक्‍स्प्रेस मार्गावर प्रति ताशी वेग मर्यादा ठरवून दिली आहे. मात्र, ८० किलोमीटरपेक्षा जास्त वेगाने वाहने चालवल्यामुळे वाहतूक पोलिसांनी दंडात्मक कारवाई केली आहे. महामार्ग वाहतूक पोलिसांनी अद्ययावत स्पीडगनच्या माध्यमातून ही कारवाई केल्याचे महामार्ग पोलिसांनी सांगितले.

हेही वाचा -Violence in Patiala: पटियालात दोन गटात हाणामारी; शहरात कर्फ्यू, वाचा सविस्तर काय आहे प्रकरण