बेस्ट परिवहन उपक्रमात इलेक्ट्रिकल बस दाखल

बेस्ट परिवहन उपक्रमाची पहिली पर्यावरणस्नेही इलेक्ट्रिक वातानुकूलित बस सोमवारपासून मुंबईकरांच्या सेवेत दाखल झाली आहे.

मुंबई -बेस्ट परिवहन उपक्रमाची पहिली पर्यावरणस्नेही इलेक्ट्रिक वातानुकूलित बस सेवा सोमवारपासून मुंबईकरांच्या सेवेत दाखल झाली आहे. बस क्रमांक 302 ही पूर्व उपनगरातील प्रतीक्षानगर ते सायन-मुलुंड मार्गावर ही बस चालविण्यात येणार आहे.

एकूण 6 एसी व 4 नॉन एसी इलेक्ट्रिक बसगाड्या बेस्टच्या ताफ्यात दाखल झाल्या आहेत. केंद्र सरकारच्या निर्देशानुसार इलेक्ट्रिक बसगाड्या बेस्ट उपक्रम घेणार आहे. पहिल्या टप्प्यात दहा बसगाड्या बेस्टच्या ताफ्यात आल्या आहेत.

हेही वाचा... देशात मंदी असल्याचे उध्दव ठाकरेंनी केले मान्य; तरीही, बेस्ट कर्मचाऱ्यांच्या पगारवाढीची घोषणा

बसचे वैशिष्ट्ये

संपुर्ण पर्यावरणस्नेही अशी ही इलेक्ट्रिक बस आहे. या बसचे चार्जिंग स्टेशन धारावी बस आगारात असणार आहे. साधारणतः एकदा चार्ज केल्यास ही बस संपूर्ण दिवस चालेल, अशी या बसची खासियत आहे. बसला क्लच नसल्याने चालकांचा त्रास कमी होणार आहे.

हेही वाचा... बेस्टच्या खर्चावर पालिकेने लक्ष ठेवावे; विरोधी पक्षनेते रवी राजा यांची मागणी​​​​​​​

मोबाइल अ‍ॅपचेही उद्घाटन

मुंबईकरांना कोणती बस कुठून कुठे जाते, बस थांब्यावर गाडी येण्याची वेळ, वाहन चालकांचे रेटिंग, कोणती बस जलद गतीने इच्छित स्थळी पोहोचवू शकते, आदी माहिती देणारे मोबाइल अ‍ॅपही सोमवारपासून मुंबईकरांसाठी उपलब्ध करण्यात आले आहे.

हेही वाचा... ऐन गणेशोत्सवातच राज्यातील शेतकरी, कामगार, शिक्षक रस्त्यावर.. फडणवीस सरकारची कसोटी

बसचे दरपत्रक

बस प्रकार	अंतर	दर
वातानुकूलित बस	प्रति पाच किलोमीटर	6 रुपये
विना वातानुकूलित बस	प्रति पाच किलोमीटर	5 रुपये

तसेच वातानुकूलित बसचे कमाल भाडे हे 25 रूपये आणि विना वातानुकूलित बसचे कमाल भाडे 20 रुपये असणार आहे.