मुंबई - मुंबईत कोरोना विषाणूची तिसरी लाट ( The Third Wave of Corona Virus ) आटोक्यात आली आहे. यामुळे रुग्णसंख्येत घट ( Decrease in Patients ) होऊन गेले काही दिवस ५० च्या आत रुग्ण आढळून येत होते. त्यात वाढ होऊन १३ एप्रिलला ७३, काल १९ एप्रिलला ८५ नव्या रुग्णांची नोंद झाली. आज ( दि. २० एप्रिल ) त्यात आणखी वाढ होऊन ९८ नव्या रुग्णांची नोंद झाली आहे. आज शून्य मृत्यूची नोंद ( Zero Deaths ) झाली आहे. मुंबईत सध्या रुग्ण बरे होण्याचा दर ९८ टक्के असून ४१५ सक्रिय रुग्ण ( Active Corona Patients in Mumbai) आहेत.
मुंबईतील ९९ टक्के बेड रिक्त -मुंबईत आज ( बुधवार ) ९८ नवे रुग्ण ( New Corona Positive Patients in Mumbai ) आढळून आले ( Mumbai Corona Update ) आहेत. तर शून्य मृत्यूची नोंद झाली आहे. आज ७३ रुग्णांना डिस्चार्ज देण्यात आला आहे. आतापर्यंत एकूण १० लाख ५८ हजार ९८२ रुग्णांची नोंद झाली आहे. त्यापैकी १० लाख ३९ हजार ५ रुग्ण बरे झाले आहेत. तर १९ हजार ५६२ रुग्णांचा मृत्यू झाला आहे. सध्या ४१५ सक्रिय रुग्ण ( Active Corona Patients in Mumbai ) आहेत. रुग्ण बरे होण्याचे प्रमाण ९८ टक्के तर रुग्ण दुपटीचा कालावधी १२ हजार ९५३ दिवस इतका आहे. मुंबईत एकही इमारत झोपडपट्टी सील नाही. गेल्या आठवडाभरातातील कोरोना वाढीचा दर ०.००५ टक्के इतका आहे. मुंबईत आज आढळून आलेल्या ९८ रुग्णांपैकी ९६ म्हणजेच ९८ टक्के लक्षणे नसलेले रुग्ण आहेत. मुंबईत रुग्णालयांमध्ये २६ हजार ०४४ बेड्स असून त्यापैकी १० बेडवर रुग्ण आहेत. मुंबईतील ९९ टक्के बेड रिक्त आहेत.