मुंबई - मनसे प्रमुख राज ठाकरे आणि त्यांचे श्वानप्रेम सगळ्यांना माहीत आहे. त्यांच्या जेम्स नावाच्या श्वानाचा सोमवार रात्री मृत्यू झाला आणि त्याला अखेरचा निरोप देण्यासाठी राज ठाकरे स्वत: मुंबईतील परेलमधील प्राण्यांच्या स्मशानभूमीत उपस्थित होते. यावेळी लाडक्या जेम्सला निरोप देताना राज ठाकरे भावुक झाले होते.
जेम्स श्वानाचे झाले निधन
वय साडेबारा वर्ष
राज ठाकरे यांच्या 'जेम्स' या श्वानाचे वय साडेबारा वर्ष होते. मागील काही दिवसांपासून त्याला चालायला त्रास होत होता. वयोमानानुसार सोमवारी रात्री त्याचा मृत्यू झाला. राज ठाकरे यांचे संपूर्ण कुटुंब श्वानप्रेमी आहे. त्यामुळेच लाडक्या जेम्सला अखेरचा निरोप देण्यासाठी संपूर्ण कुटुंब तिथे उपस्थित होते.