मुंबईत रविवारी तिन्ही रेल्वे मार्गांवर मेगाब्लॉक

रुळांची दुरुस्ती आणि तांत्रिक कामांसाठी मध्य रेल्वे आणि पश्चिम रेल्वे मार्गावर रविवारी 14 फेब्रुवारीला मेगाब्लॉक घेण्यात येणार आहे. मध्य रेल्वेच्या मुख्य मार्गांवरील माटुंगा ते मुलुंड रेल्वे स्थानकादरम्यान अप डाऊन जलद मार्गावर आणि हार्बर पनवेल ते सीएसएमटी आणि चुनाभट्टी ते गोरेगाव रेल्वे स्थानकादरम्यान मेगाब्लॉक असणार आहे.

मुंबई- उपनगरीय रेल्वे मार्गांवर रेल्वे रुळांची दुरुस्ती आणि तांत्रिक कामांसाठी मध्य रेल्वे आणि पश्चिम रेल्वे मार्गावर रविवारी 14 फेब्रुवारीला मेगाब्लॉक घेण्यात येणार आहे. मध्य रेल्वेच्या मुख्य मार्गांवरील माटुंगा ते मुलुंड रेल्वे स्थानकादरम्यान अप डाऊन जलद मार्गावर आणि हार्बर पनवेल ते सीएसएमटी आणि चुनाभट्टी ते गोरेगाव रेल्वे स्थानकादरम्यान मेगाब्लॉक असणार आहे. तसेच पश्चिम रेल्वे मार्गावर चर्चगेट ते मुंबई सेंट्रल रेल्वे स्थानकादरम्यान अप-डाऊन या मार्गावर मेगाब्लॉक असणार आहे.

मुख्य रेल्वे मार्गावर मेगाब्लॉक -

मध्य रेल्वेच्या माटुंगा ते मुलुंड अप डाऊन जलद मार्गावर सकाळी 11.05 ते सायंकाळी 4.05 वाजेपर्यंत रविवारी मेगाब्लॉक असणार आहे. यादरम्यान सीएसएमटी येथून सुटणार्‍या डाऊन जलद सेवा माटुंगा येथून डाऊन धीम्या मार्गावर वाळविल्या जातील. सायन ते मुलुंड रेल्वे स्थानकादरम्यान सर्व स्थानकावर थांबतील आणि आपल्या नियोजित वेळेपेक्षा पंधरा मिनिटे उशिरा पोहोचतील. तर ठाणे येथून सुटणाऱ्या अप जलद मार्गावरील सेवा मुलुंड येथे अप धीम्या मार्गावर वळविण्यात येतील.

हार्बल रेल्वे मार्ग -

मध्य रेल्वेच्या हार्बर मार्गावरील पनवेल/ बेलापूर/ वाशी/ वडाळा/ सीएसएमटी रेल्वे स्थानाकादरम्यान अप डाऊन मार्गावर मेगाब्लॉक असणार आहे. तसेच सीएसएमटी ते चुनाभट्टी आणि वांद्रे ते गोरेगाव रेल्वे स्थानकादरम्यान रविवारी सकाळी 10 ते सायंकाळी 4.47 वाजेपर्यंत मेगाब्लॉक असणार आहे. या ब्लॉगदरम्यान लोकल सेवा बंद राहणार असून प्रवाशांची गैरसोय होऊ नयेत, म्हणून पनवेल ते कुर्ला दरम्यान विशेष लोकल गाड्या चालविण्याचा निर्णय मध्य रेल्वेकडून घेण्यात आलेला आहे.

पश्चिम रेल्वेवर रात्रकालीन ब्लॉक -

पश्चिम रेल्वे मार्गावरील रेल्वे रूळ, सिग्नल यंत्रणेच्या दुरुस्तीसाठी आणि ओव्हरहेड वायरच्या देखभालीसाठी रविवारी रात्रकालीन मेगाब्लॉक पश्चिम रेल्वेकडून घेण्यात येणार आहे. हा मेगाब्लॉक रविवारी मध्यरात्री 12 ते पहाटे 4 वाजेपर्यत घेण्यात येणार आहे. 14 फेब्रुवारी रोजी दिवसभर पश्चिम रेल्वे मार्गावर कोणत्याही मेगाब्लॉक नसणार आहे. त्यामुळे मध्य रेल्वेच्या प्रवाशांना पश्चिम रेल्वे मार्गावरुन प्रवास करता येणार आहे.