मुंबई- गुढीपाडवा हा मराठमोळा सण राज्यभर मोठ्या उत्साहात साजरा करण्यात येत असून मराठी नववर्षाचे जल्लोषात स्वागत सुरू आहे. मुंबईसह राज्यभरातील मराठी बांधव मोठ्या उत्साहात स्वागत यात्रेत सहभागी झाले आहेत. तरुणांच्या गळ्यातील ताईत असलेली आर्ची म्हणजेच रिंकू राजगुरू देखील स्वागत यात्रेत सहभागी झाली आहेत. तर , उर्मिला मातोंडकरने शिवरायांच्या प्रतिमेचे पूजन करत स्वागत यात्रेत हजेरी लावली आहे.
शिवरायांच्या प्रतिमेचे पूजन करतउर्मिला स्वागत यात्रेत सहभागी
सुप्रसिद्ध अभिनेत्री उर्मिला मातोंडकर ही चारकोप येथील स्वागत यात्रेत मराठमोळ्या वेषात सहभागी झाली आहे. यावेळी उर्मिलाने महाराष्ट्राचे आराध्य दैवत असलेल्या छत्रपती शिवरायांच्या प्रतिमेचे पूजन करत स्वागत यात्रेत हजेरी लावली.
आर्चीने कागरच्या कलावंतासोबत लावली स्वागत यात्रेत हजेरी
दादर नायगाव येथील शोभायात्रेत आर्ची म्हणजेच रिंकू राजगुरूने हजेरी लावली आहे. रिंकू पारंपरिक मराठमोळ्या वेषात या स्वागत यात्रेत सहभागी झाली. तिच्यासोबत कागर चित्रपटातील शुभंकर तावडे आणि सुनिल तावडेदेखील पारंपरिक वेषभूषेत स्वागत यात्रेत सहभागी झाले. यावेळी आर्चीला पाहण्यासाठी तरुणांची प्रचंड गर्दी झाल्याची माहिती येथील सूत्रांनी दिली आहे.
युती आणि आघाडीचे नेते एकत्रच नववर्षाचे स्वागतपनवेल येथे देखील मराठमोळ्या पद्धतीने पाडवा आणि मराठी नववर्षाचे स्वागत करण्यात येत आहे. येथील स्वागत यात्रेला सुरुवात झाली आहे. या स्वागत यात्रेत युतीसह आघाडीचे दिग्गज नेते एकत्र येणार आहेत. याशिवाय स्वामी विवेकांद प्रतिष्ठाण गिरगाव आणि शिवसेनेच्या स्वागत यात्रेला सुरुवात झाली आहे.
