मुंबई - हाफकिनमध्ये कोविड लस निर्मितीसाठी १५४ कोटींच्या भांडवली खर्चाच्या अनुदानास राज्य मंत्रिमंडळाने मंजूरी दिली. त्यातील ९४ कोटी रुपये आकस्मिक निधीतून दिले जातील. तर केंद्राकडून ६५ कोटींचे अर्थसहाय्य देण्यात येईल, अशी माहिती आरोग्य मंत्री राजेश टोपे यांनी दिली.
९४ कोटी आकस्मिक निधीतून
राज्यात कोविड लसींचा तुटवडा निर्माण झाला आहे. दिवसागणिक वाढत्या रुग्णसंख्येमुळे परळ येथील हाफकिन जीव औषध संशोधन महामंडळास कोरोनावरील लस निर्मितीस मान्यता द्यावी, अशी मागणी मुख्यमंत्री उद्धव ठाकरे यांनी केली होती. केंद्राने या मागणीला हिरवा कंदील दर्शवला.