13:05 July 02
पुणे बेंगलोर महामार्गावर झालेल्या तिहेरी अपघातात तिघांचा मृत्यू
पुणे बेंगलोर महामार्गावर झालेल्या तिहेरी अपघातात तिघांचा मृत्यू
कोल्हापूर जिल्ह्यातल्या किणी टोल नाका जवळ ही घटना शुक्रवारी रात्री उशिरा घडली. या अपघातात कर्नाटकातल्या बेंगलोर येथील तिघांचा मृत्यू झाला आहे तर एक महिला गंभीर जखमी झाली आहे. एक्सल तुटल्याने महामार्गावरच लावलेल्या कंटेनरमुळे हा भीषण अपघात झाला. वडगाव पोलीस ठाण्यात या घटनेची नोंद करण्यात आली असून दोघांविरोधात गुन्हा दाखल करण्यात आला आहे.
12:26 July 02
विधानसभा अध्यक्षपदाच्या निवडणुकीवर आक्षेप
मुंबई - विधानसभा अध्यक्षपदाचे प्रकरण न्यायप्रविष्ट असताना निवडणूक कशी लावली? यासंदर्भात महाविकास आघाडी गटातील गटनेत्यांनी विधी मंडळाचे प्रधान सचिव यांना पत्र दिले आहे. या निवडणुकीबाबत महाविकास आघाडीकडून आक्षेप नोंदवला आहे.
12:09 July 02
राजन साळवी यांचा उमेदवारी अर्ज विधानसभा सभापती पदासाठी दाखल
शिवसेनेचे आमदार राजन साळवी यांचा उमेदवारी अर्ज विधानसभा सभापती पदासाठी दाखल केला आहे. काँग्रेसचा पहिला दावा होता पण आम्ही शिवसेना आणि राष्ट्रवादीसोबत बसलो. हा निर्णय एकत्र घेतला. बाळासाहेब थोरात यानी ही माहिती दिली.
11:46 July 02
चुनाभट्टी स्मशान भूमी येथील ४ घरे कोसळली
मुंबई - मुंबईत बुधवारी रात्रीपासून पावसाने हजेरी लावली. गुरुवारी मुंबईत मुसळधार पाऊस पडला. यामुळे मुंबईत अनेक सखल भागात पाणी साचले. शुक्रवारीही रात्री काही ठिकाणी पाऊस पडला. या पावसामुळे चुनाभट्टी स्मशान भूमी येथील ४ घरे कोसळली. या दुर्घटनेत कोणीही जखमी झाले नसल्याची माहिती पालिकेच्या आपत्कालीन व्यवस्थापन विभागाकडून देण्यात आली आहे.
11:46 July 02
मुंबई - मुंबईत बुधवारी रात्रीपासून पावसाने हजेरी लावली. गुरुवारी मुंबईत मुसळधार पाऊस पडला. यामुळे मुंबईत अनेक सखल भागात पाणी साचले. शुक्रवारीही रात्री काही ठिकाणी पाऊस पडला. या पावसामुळे चुनाभट्टी स्मशान भूमी येथील ४ घरे कोसळली असून या दुर्घटनेत कोणीही जखमी झाले नसल्याची माहिती पालिकेच्या आपत्कालीन व्यवस्थापन विभागाकडून देण्यात आली आहे
10:19 July 02
गुवाहाटीची मलाही ऑफर होती - संजय राऊत
मुंबई - गुवाहाटीची ऑफर मलाही होती, असे खा. संजय राऊत म्हणालेत. ते पत्रकार परिषद घेत आहेत. आपण सच्चा शिवसैनिक आहोत. त्यामुळे बाळासाहेबांनी दाखवलेल्या रस्त्यावर आपण चालत आहोत असे ते म्हणाले. कर नाही तर डर कशाला अशीच भूमिका राऊत यांनी घेतली आहे.
09:08 July 02
माजी मुख्यमंत्री उद्धव ठाकरे यांचे मेहुणे श्रीधर पाटणकर याना दिलासा
माजी मुख्यमंत्री उद्धव ठाकरे यांचे मेहुणे श्रीधर पाटणकर याना दिलासा मिळाला आहे. सीबीआयकडे असलेल्या 84 कोटी रुपयांच्या फसवणुकीच्या जुन्या प्रकरणात दिलासा. मात्र ईडीकडून सुरू असलेला तपास सुरूच राहणार. ईडीने दाखल केलेल्या मनी लौंडरिंग प्रकरणात पाटणकर यांच्या 11 सदनिका जप्त करण्यात आल्या आहेत. सीबीआयकडे असलेल्या 84 कोटी फसवणूक प्रकरणात क्लोजर रिपोर्ट विशेष कोर्टात दाखल केलाय ज्यामध्ये त्यांच्याविरोधात पुरावे न आढळल्याचे म्हटलंय. पाटणकर यांना सीबीआयकडून दिलासा मिळालेला असला तरी ईडीकडून त्यांच्याविरोधात तपास सुरूच राहणार आहे.
07:51 July 02
इराणमध्ये 6.0 तीव्रतेचा भूकंप
इराणमध्ये 6.0 तीव्रतेचा भूकंप झाला आहे. आज पहाटे 3 वाजता हा भूकंप झाला. दक्षिण इरामध्ये हा भूकंप झाल्याची माहिती नॅशनल सेंटर फॉर सिस्मॉलॉजीने दिली आहे. यामध्ये आत्तापर्यंत ३ जण ठार झालेत.
07:19 July 02
तृतीय पंथीयांनी रिक्षा चालकाला बेदम चोपले
औरंगाबाद - टोल नाक्यावर रिक्षाची तृतीय पंथीला धक्का लागला, रिक्षा चालकाने त्यांना माणुसकीने रुग्णालयात नेले. रुग्णालयाचे बिल पण त्याने भरले. मात्र या घटनेत इतर तृतीय पंथीयांनी रिक्षा चालकाला बेदम चोप दिला.
07:17 July 02
कॉन्ट्रॅक्ट किलरला अटक
मुंबई- मुंबई पोलिसांच्या खंडणी विरोधी पथकाने एका 39 वर्षीय कॉन्ट्रॅक्ट किलरला अटक केली आहे. या आरोपीचे कथित अंडरवर्ल्डशी संबंध आहेत. मुंबईतील एका व्यावसायिकाच्या हत्येचा कट रचल्याचा आरोप त्याच्यावर आहे. गावदेवी पोलिसांकडून आरोपीला अटक करण्यात आली असून पुढील तपास सुरू आहे.
07:14 July 02
'फडणवीस-शिंदे जोडी' महाराष्ट्रात पुन्हा विकास घडवून आणेल
गेली अडीच वर्षे महाराष्ट्राच्या विकासाला MVA- या अपवित्र युतीमुळे खीळ बसली होती. एकनाथ शिंदेजींनी मराठा असल्याने विचारधारेच्या बाजूने योग्य निर्णय घेतला. मला खात्री आहे की 'फडणवीस-शिंदे जोडी' महाराष्ट्रात पुन्हा विकास घडवून आणेल: ज्योतिरादित्य शिंदे, भाजप
06:34 July 02
Maharashtra Breaking - एकनाथ शिंदे यांना शिवसेनेच्या नेते पदावरून हटवले
मुंबई - शिवसेनेकडून बंडखोर आमदारांना संधी दिली जात होती. मात्र त्यांनी पक्षविरोधी कारवाया सुरूच ठेवल्या. तसेच पक्षप्रमुखांच्या आदेशाला केराची टोपली दाखवल्याने एकनाथ शिंदे (Eknath Shinde ) यांची पदावरून ( Shiv Sena leader ) हकालपट्टी करण्यात आली आहे. उर्वरित आमदारांवरही कारवाई केली जाणार आहे.
