मुंबई - मुंबईतील कांजूरमार्ग येथील एनजी रॉयल पार्क परिसरातील ( Royal Park Building Fire ) एका इमारतीला आग लागल्याची घटना घडली आहे. अग्निशमन दलाच्या सुमारे 6 गाड्या घटनास्थळी दाखल झाल्या आहेत. आग विझवण्याचे काम सुरू आहे. या आगीत कोणतीही जीवितहानी झाली नसून आगीचे कारण अद्याप अस्पष्ट आहे.
अग्निशमन दल घटनास्थळी दाखल -
कांजुरमार्ग (पु) येथील एन.जी.रॉयल पॉर्क येथे तळमजला अधिक ११ माळे असे बांधकाम असलेल्या इमारतीच्या अकराव्या माळ्यावर दुपारी 1.30 च्या दरम्यान आग लागली. या घटनेची माहिती मिळताच अग्निशनम दलाच्या ६ गाड्या तत्काळ घटनास्थळी दाखल झाल्या. दरम्यान, आग नियंत्रणात असल्याची माहिती असून या घटनेत कोणीही जखमी नसल्याची माहिती पालिकेच्या आप्तकालीन व्यवस्थापन विभागाने दिली.
हेही वाचा -Indian Students in Ukraine : बेलगोरोड मार्गाने विद्यार्थ्यांना बाहेर काढावे, पवार-जयशंकर यांच्यात चर्चा, मोदी चार केंद्रिय मंत्री युक्रेन शेजारील देशात पाठवणार
