सीमावादावर महाराष्ट्राची बाजू सर्वोच्च न्यायालयात मांडू - एकनाथ शिंदे

राज्याचे सार्वजनिक बांधकाम मंत्री एकनाथ शिंदे यांनी कर्नाटकसोबतच्या सीमावादावर राज्याची बाजू सर्वोच्च न्यायालयात भक्कमपणे मांडणार असल्याचे सांगितले आहे.

मुंबई - कर्नाटक-महाराष्ट्र सीमावाद गेल्या अनेक दिवसांसून खितपत पडलाय. आता हा प्रश्न कोर्टाकडे असल्याने महाराष्ट्र सरकार कोर्टात आपली बाजू भक्कमपणे मांडणार आल्याचे सार्वजनिक बांधकाम मंत्री एकनाथ शिंदे यांनी सांगितले. सीमा प्रश्नाचे विशेष कार्य अधिकारी दीपक पवार यांनी लिहिलेलं ‘महाराष्ट्र कर्नाटक सीमावाद:संघर्ष आणि संकल्प’ या पुस्तकाचे प्रकाशन सह्याद्री अतिथीगृहात करण्यात आले. या प्रकाशनानंतर सीमा प्रश्नावर विशेष सर्वपक्षीय बैठक बोलावण्यात आली होती. राष्ट्रवादी काँग्रेसचे अध्यक्ष शरद पवार यांच्या अध्यक्षतेखाली बैठक घेण्यात आली असून, या बैठकीला मुख्यमंत्री उद्धव ठाकरे, उपमुख्यमंत्री अजित पवार, महसूलमंत्री बाळासाहेब थोरात, सार्वजनिक बांधकाममंत्री एकनाथ शिंदे, अन्न व नागरी पुरावठा मंत्री छगन भुजबळ, विधानपरिषदेचे विरोधीपक्ष नेते प्रवीण दरेकर यांच्यासह सीमा भागातील बांधवही उपस्थित होते.

महाराष्ट्र कायदेशीर लढाईला तयारसीमा भागातील लोकांचे प्रश्न आणि त्या भागावर असलेला महाराष्ट्राचा हक्क हा दाखल्यासह न्यायालयात मांडू. तसेच या प्रकरणी अतिरिक्त वकीलही नेमण्यात येणार असल्याची माहिती एकनाथ शिंदे यांनी दिली. सध्या महाराष्ट्र कर्नाटक सीमावाद न्यायप्रविष्ट आहे. त्यामुळे हा भाग केंद्रशासित प्रदेश म्हणून घोषित करण्यात यावा अशी मागणी मुख्यमंत्र्यांनी केली आहे.

हेही वाचा -सीमावाद सुटेपर्यंत कर्नाटकातील मराठी प्रदेश केंद्रशासित करा-उद्धव ठाकरे