मुंबई- वंचित बहुजन आघाडीचे प्रमुख प्रकाश आंबेडकर यांना आघाडीत येण्यासाठी आम्ही २०० जागा दिल्यानंतरही ते आघाडीत येणार नाहीत, असे विरोधीपक्ष नेते विजय वडेट्टीवार यांनी म्हटले आहे. तसेच यामागे फार मोठे राजकीय गणित असल्याचा दावा त्यांनी केला आहे.
प्रकाश आंबेडकर यांनी काँग्रेससोबतचे चर्चेचे दरवाजे बंद झाल्याचे सांगून, आपण त्यांच्यासोबत जाणार नसल्याचे जाहीर केले. यावर प्रतिक्रिया देताना वडेट्टीवार यांनी आंबेडकर यांच्यावर जोरदार टीका केली. आंबेडकर यांना काँग्रेस-राष्ट्रवादीच्या आघाडीत येण्यासाठी अजिबात रस नव्हता. यापुढेही ते येतील, असे अजिबात वाटत नाही, अशी शक्यता त्यांनी व्यक्त केली. तसेच आंबेडकरांनी वेळोवेळी अल्टिमेटम देऊन, आघाडी करण्याबद्दल संभ्रमाची भूमिका घेतली असल्याने ते आघाडीत येणार नसल्याचे स्पष्ट झाले होते, असे वडेट्टीवार म्हणाले.
हेही वाचा प्रकाश आंबेडकरांनी शिवसेनेवर बोलण्यापेक्षा ओवैसीवर बोलावे, उध्दव ठाकरेंचा पलटवार