परमबीर सिंग याचिका सुनावणी; मुंबई उच्च न्यायालयाने आपला निर्णय राखून ठेवला

18:51 March 31

मुंबई उच्च न्यायालयाने आपला निर्णय राखून ठेवला

मुंबई - परमबीर सिंग यांच्या याचिकेवर  सर्व पक्षांच्या वकिलांचा युक्तीवाद संपला आहे. दरम्यान, मुंबई उच्च न्यायालयाने आपला निर्णय राखून ठेवला आहे.  

18:50 March 31

गृहमंत्र्यांची चौकशी सीबीआयमार्फत करायची की ईडीमार्फत हे हायकोर्टाने सांगावे - अतिरिक्त सॉलिसिटर जनरल

मुंबई -परमबीर सिंग यांनी राज्याचे गृहमंत्री अनिल देशमुख यांच्यावर केलेल्या आरोपांची चौकशी करण्यास तयार आहोत. चौकशी सीबीआयमार्फत करायची की ईडीमार्फत याचे निर्देश हायकोर्टाने द्यावेत., अशी माहिती केंद्र सरकारतर्फे अतिरिक्त सॉलिसिटर जनरल अनिल सिंह यांनी हायकोर्टात दिली.  

16:11 March 31

पोलिसांच्या असक्रियतेमुळेच प्रकरणे कोर्टात येतात - हायकोर्ट

मुंबई -एफआयआर दाखल करण्यास समस्या काय आहे? पोलिसांच्या या असक्रियतेमुळेच अशी प्रकरणे कोर्टात येतात. आपणास कार्यक्षमतेची लाज वाटली पाहिजे,  असे म्हणत कोर्टाने पोलीस कारभारावर ताशेरे ओढले आहेत. 

16:06 March 31

गुन्हा दाखल व्हावा ही तुमची मागणी असेल तर दंडाधिकारी कोर्टात जा - हायकोर्ट

मुंबई - गुन्हा राज्याच्या गृहमंत्र्यांनी केलाय, म्हणून निष्पक्ष चौकशी होणार नाही, असा तुमचा आरोप असला तरी आरोपी राज्याचा मुख्यमंत्री जरी असला तरी कायदेशीर प्रक्रिया डावलता येणार नाही, असे हायकोर्टाने नमूद केले आहे.  

16:06 March 31

जयश्री पाटील यांनी नोंदवलेल्या पोलीस तक्रारीची माहिती मुंबई उच्च न्यायालयाने मागितल

मुंबई -जयश्री पाटील यांनी नोंदवलेल्या पोलीस तक्रारीची माहिती मुंबई उच्च न्यायालयाने मागितली आहे. तसेच या प्रकरणात काय कारवाई केली? असा प्रश्न मुंबई उच्च न्यायालयाने विचारला आहे. तसेच मलबार हिल पोलीस स्टेशनची पोलीस डायरी उच्च न्यायालयात सादर करण्यास सांगितले आहे. कायद्याने तक्रार दाखल झाल्यानंतर गुन्हा नोंद करण्यासाठी पोलिसांकडे 15 दिवस ते 6 आठवड्यांचा अवधी असतो. ही तक्रार दाखल होऊन 10 दिवस झाले आहेत, अशी माहिती महाधिवक्ता आशुतोष कुंभकोणी यांनी दिली.  

15:40 March 31

हायकोर्टाने परमबीर सिंग यांना फटकारले

मुंबई - परमबीर सिंग यांच्या याचिकेवर तातडीने सुनावणी घेण्याचा निर्णय घेतल्यानंतर हायकोर्टाने बुधवारी त्यांना चांगलेच फटकारले आहे. गृहमंत्री अनिल देशमुख यांच्यावरील आरोपांची आणि त्यांच्या कारभाराची केंद्रीय अन्वेषण विभागाद्वारे (सीबीआय) चौकशी करण्याचे आदेश देण्याची मागणी परमबीर यांनी फौजदारी जनहित याचिकेद्वारे केली आहे. मुख्य न्यायमूर्ती दीपांकर दत्ता आणि न्यायमूर्ती गिरीश कुलकर्णी यांच्या खंडपीठासमोर हायकोर्टात सुनावणी सुरु आहे.

15:31 March 31

कनिष्ठ न्यायालयात जाण्याचा परमबीर सिंग यांना उच्च न्यायालयाचा सल्ला

मुंबई -कनिष्ठ न्यायालयात जाण्याचा सल्ला परमबीर सिंग यांना उच्च न्यायालयाने आज दिला आहे. परमबीर सिंग यांनी गृहमंत्र्यांवर आरोप केले होते. त्याविषयीची सुनावणी आज मुंबई उच्च न्यायालयात झाली.  

15:04 March 31

परमबीर सिंग यांनी दाखल केलेल्या याचिकेवर आज (बुधवार) मुंबई उच्च न्यायालयात सुनावणी सुरू झाली आहे.

मुंबई -परमबीर सिंग यांनी दाखल केलेल्या याचिकेवर आज (बुधवार) मुंबई उच्च न्यायालयात सुनावणी सुरू झाली आहे. गृहमंत्री अनिल देशमुख यांची सीबीआय चौकशी व्हावी अशी मागणी करणारी याचिका परमबीर सिंग यांनी दाखल केली होती. मुंबई उच्च न्यायालयाचे मुख्य न्यायाधीश दिपंकर दत्ता यांचे खंडपीठ याचिकेवर सुनावणी करत आहे.