मुंबई -आज गुरुवार (दि. 14 जुलै)रोजी झालेल्या सुनावणी दरम्यान सांगण्यात आले की, महापौरांचा बंगला हा हेरिटेज वर्गवारीच्या दुसऱ्या टप्प्यात मोडतो. तसेच, स्मारकाच्या बांधकामासाठी हेरिटेजच्या दृष्टीने सर्व आवश्यक ना हरकती देण्यात आल्याचा दावा समितीने केला आहे. या सगळ्या पार्श्वभूमीवर या स्मारकाला परवानगी नसल्याचा याचिकेतील आरोप खरा नाही असा दावा पालिका आणि हेरिटेज समितीने उच्च न्यायालयात दाखल केलेल्या प्रतिज्ञापत्रात केला आहे.
महापौर बंगल्याच्या जागी ठाकरे यांचे स्मारक - दादरमध्ये शिवाजी पार्क येथील महापौर बंगल्याच्या जागी ठाकरे यांचे स्मारक बांधण्यात येणार आहे. त्यासाठी राज्य सरकारने एमआरटीपी कायद्यात आवश्यक दुरुस्ती केली. परंतु, हा निर्णय कायद्याला धरून नाही आणि सर्वोच्च न्यायालयाने स्मारकांविषयी घालून दिलेल्या मार्गदर्शक तत्त्वांविरुद्ध आहे, असा दावा करून भगवानजी रयानी यांनी जनहित याचिका केली आहे.