मुंबई - कोरोनाचा प्रादुर्भाव वाढत असल्यामुळे विविध ठिकाणी लसीकरण केंद्राचे महानगरपालिकेकडून उद्घाटन केले जात आहे. त्याचप्रमाणे बोरिवली येथे प्रबोधनकार ठाकरे सभागृहामध्ये लसीकरण केंद्राचे उद्घाटन महापौर किशोरी पेडणेकर यांच्या हस्ते करण्यात आले. मात्र हा प्रभाग भाजपाचा असल्यामुळे या ठिकाणी भाजप आणि शिवसेनेचे नगरसेवक व कार्यकर्त्यांनी मोठ्या प्रमाणामध्ये गर्दी केली होती. त्यामुळे सोशल डिस्टन्सिंगचा फज्जा देखील या ठिकाणी उडालेला पाहायला मिळाला.
ग्लोबल टेंडर
महानगरपालिकेच्या वतीने ग्लोबल टेंडर काढण्यात आले होते. या ग्लोबल टेंडरसाठी पहिल्यांदा प्रतिसाद न मिळाल्यामुळे टेंडरची मुदत वाढविण्यात आली होती. मात्र दुसऱ्यांदा देखील या ग्लोबल टेंडरची मुदत वाढवलेल्या टेंडरमध्ये ज्या आठ कंपन्यांनी सहभाग घेतला आहे. त्यामध्ये काही त्रुटी दिसून येत आल्या. त्यासाठी ही मुदत वाढवली आहे. त्यामुळे या सर्व कंपन्यांना महानगरपालिकेच्या वतीने पेपर जमा करण्यासाठी सांगितले आहे.