'आयसीएसई' बोर्डाच्या दहावी, बारावीच्या परीक्षांचे वेळापत्रक जाहीर

काउन्सिल फॉर द इंडियन स्कूल सर्टिफिकेट एक्झामिनेशन्स अर्थात सीआयएसई म्हणजे आयसीएसई बोर्डाच्या दहावी आणि बारावीच्या परीक्षेचे वेळापत्रक सोमवारी जाहीर करण्यात आले आहे. दहावीची परीक्षा 5 मे ते 7 जूनदरम्यान होणार आहे. तर बारावीची परीक्षा 8 एप्रिल ते 16 जूनदरम्यान होणार आहे.

मुंबई -काउन्सिल फॉर द इंडियन स्कूल सर्टिफिकेट एक्झामिनेशन्स अर्थात सीआयएसई म्हणजे आयसीएसई बोर्डाच्या दहावी आणि बारावीच्या परीक्षेचे वेळापत्रक सोमवारी जाहीर करण्यात आले आहे. दहावीची परीक्षा 5 मे ते 7 जूनदरम्यान होणार आहे. तर बारावीची परीक्षा 8 एप्रिल ते 16 जूनदरम्यान होणार आहे.

कोरोनासंदर्भात सूचना

कोरोनाच्या पार्श्वभूमीवर राज्य मंडळाने दहावी, बारावीच्या परीक्षांचे वेळापत्रक जाहीर केल्यानंतर, आता दहावी व बारावीच्या परीक्षा घेण्याची तयारी सर्वच बोर्डाने केली आहे. त्यानुसार आज आयसीएसई मंडळाकडून दहावी आणि बारावीच्या परीक्षेचे वेळापत्रक जाहीर करण्यात आले. परीक्षेचे वेळापत्रक आयसीएसईच्या www.cisce.org या संकेतस्थळावर प्रसिद्ध करण्यात आले आहे. ही परीक्षा घेताना कोरोनासंदर्भात केंद्रांनी दिलेल्या सर्व नियमांचे काटेकोरपणे पालन करण्याच्या सूचना बोर्डाकडून शाळांना देण्यात आल्या आहेत.

विना मास्क प्रवेश नाही

विद्यार्थ्यांना दिलेल्या वेळेमध्ये परीक्षा केंद्रांवर हजर राहणे बंधनकारक करण्यात आले आहे. तसेच परीक्षेदरम्यान विद्यार्थ्यांनी मास्क घालने बंधनकारक असून, मास्क न घातलेल्या विद्यार्थ्यांना परीक्षा हॉलमध्ये प्रवेश दिला जाणार नाही. त्याचप्रमाणे दोन विद्यार्थ्यांमधील अंतर 6 फुटांपेक्षा अधिक ठेवण्याच्या सूचना शाळांना देण्यात आल्या आहेत.

विद्यार्थ्यांना दिलासा

विद्यार्थ्यांना प्रश्नपत्रिका वाचता यावी यासाठी परीक्षेच्या 15 मिनिटे अगोदर प्रश्नपत्रिका दिली जाणार आहे. मात्र परीक्षेला सुरुवात दिलेल्या वेळेतच होणार आहे. नुकतेच राज्य मंडळानेही परीक्षांचे वेळापत्रक जाहीर केले आहे. आता आयसीएसई बोर्डानेही वेळापत्रक जाहीर केल्याने विद्यार्थ्यांना अभ्यासाचे नियोजन करणे सोपे होणार आहे.