मुंबई -आमदार रवी राणा यांच्यावर दाखल झालेल्या गुन्ह्याप्रकरणी चौकशी करण्यासाठी कायदा आणि सुव्यवस्था पोलीस महासंचालकांच्या मार्फत चौकशी करण्यात येईल ( Home Minister Walse Patil on Rana case )अशी घोषणा गृहमंत्री दिलीप वळसे-पाटील यांनी आज (सोमवार) विधानसभेत ( Assembly Session 2022 ) केली.
विरोधी पक्षातील आमदारांनी केली चौकशीची मागणी -
अमरावती जिल्हा येथे छत्रपती शिवाजी महाराज यांचा अनधिकृतपणे बसवण्यात आलेला पुतळा हटवण्यात आला होता. या प्रकरणानंतर संतप्त झालेल्या शिवप्रेमींनी महापालिका आयुक्त प्रवीण आष्टीकर यांच्यावर शाई फेकली होती. या प्रकरणी गुन्हा दाखल करण्यात आला आहे. मात्र त्यादिवशी आपण दिल्लीत असताना ही आपल्यावर गुन्हा दाखल करण्यात आला. सरकारमधील वरिष्ठ नेत्यांनी सांगितल्यामुळे हा प्रकार केला गेला असल्याची माहिती पोलीस अधीक्षक आरती सिंग यांनी आपल्याला दिली, असल्याचे राणा यांनी सभागृहात सांगितले. राणा यांच्या या निवेदनानंतर विरोधी पक्षातील आमदारांनी सभागृहात गदारोळ करीत चौकशीची मागणी केली.