नवी मुंबई -पनवेल शहरात सलग दुसऱ्या दिवशीही जोरदार पाऊस सुरू आहे. या पावसामुळे अनेक सखल भागात पाणी साचले असून नवी मुंबई आणि पनवेल शहरातील रस्ते जलमय झाले आहेत.
नवी मुंबईसह पनवेलमध्ये कोसळधार
मागील दोन दिवसांपासून कोसळणाऱ्या पावसामुळे नवी मुंबई आणि पनवेल शहरातील नागरिकांनी घरातच थांबने पसंत केले. शहरातील सखल भागात मोठ्या प्रमाणात पाणी साचल्याने रस्त्यांना नदीचे स्वरूप आल्याचे पाहायला मिळत आहे. शहरातील रस्त्यांसह सोसायट्यांमध्ये देखील पाणी साचले आहे. मागील 24 तासात नवी मुंबईत सरासरी 228.60 मीमी पावसाची नोंद झाली आहे. यात बेलापूरमध्ये 278 मीमी, नेरुळ मध्ये 288 मीमी, वाशीमध्ये 186 मीमी, कोपरखैरणेममध्ये 217 मीमी, ऐरोलीमध्ये 182 मीमी पावसाची नोंद झाली आहे.