हार्बर मार्गावर पनवेल ते वाशी लोकल सुरू, तरीही प्रवाशांचा खोळंबा

सतत आणि मुसळधार पडणाऱ्या पावसामुळे मुंबईतील सेवा ठप्प झाल्या आहेत

मुंबई -पावसाने मुंबईत जोरदार हजेरी लावली आहे. सतत आणि मुसळधार पडणाऱ्या पावसामुळे मुंबईतील सेवा ठप्प झाल्या आहेत. मुंबईची लाईफलाईन मानल्या जाणाऱ्या लोकल सेवेवरसुद्धा याचा परिणाम झाला असला तरीही, हार्बर मार्गावर पनवेल ते वाशी दरम्यान लोकल सेवा देण्यात येत आहे.

हार्बर मार्गावर लोकल सुरु असली तरी इतर ठिकाणी पोहोचण्यास प्रवाशांना अडचणी येत आहेत. त्यामुळे, प्रवाशांचा स्टेशनवर खोळंबा झाला असून लोकलसेवा सुरळीत होईपर्यंत त्यांना अडचणीला सामोरे जावे लागत आहे. हार्बर मार्गावरच्या खांदेश्वर रेल्वे स्थानकावरही लोकांचा असाच खोळंबा झाला आहे.