मुंबई - आपल्या सर्वांची आहे ही जबाबदारी ! चला करुया मतदानाची तयारी ! या आशयाचा मतदानाचा संदेश देत शहरातील विविध भागात मतदानाचा टक्का वाढवण्यासाठी जिल्हाधिकाऱयांनी फ्लॅश मॉबद्वारे जनजागृती केली आहे.
निवडणूक अधिकाऱ्यांनी मुंबईकरांसाठी अनोखा उपक्रम केला आहे.
केंद्रीय निवडणूक निरीक्षक बिजल शहा यांच्या प्रमुख उपस्थित शहरात वेगवेगळ्या ठिकाणी फ्लॅश मॉबचे आयोजन करण्यात येत असून, या संकल्पनेत नागरिकांचा प्रतिसाद वाढत आहे. दि.21 ऑक्टोबरला मतदान होणार असून, मुंबईकरांमध्ये मतदानाबाबत जनजागृती होऊन उत्साह वाढावा, मतदानाची टक्केवारी वाढवावी, यासाठी हा प्रयत्र करण्यात आल्याचे प्रशासनाकडून सांगण्यात आले. संबंधित फ्लॅश मॉबमध्ये पथनाट्य, नृत्य, देशभक्तीपर गीतातून राष्ट्रीय एकात्मतेचा संदेश देण्यात येत असून, विविध सादरीकरणातून जनजागृती करण्यात येत आहे.