मुंबई दरवर्षी गणपती बाप्पाचे आगमन मोठ्या उत्साहात होते.मराठी मालिकांमध्येही बाप्पा विराजमान होताना marathi serials of colors दिसतात. गेली दोन वर्षे थोडी कष्टात गेली, परंतु यावर्षी मराठी वाहिनीच्या मालिकांमधून मोठ्या जोमाने गणेशोत्सव साजरा केला जाणार Ganapati Bappas arrival in marathi serials आहे. भाग्य दिले तू मला, राजा रानीची गं जोडी, जीव माझा गुंतला, सुंदरा मनामध्ये भरली या मालिकांमध्ये गणपती बाप्पाचे थाटामाटात आगमन होणार आहे.
आता सगळीकडेच बाप्पाच्या आगमनाची तयारी मोठ्या उत्साहात, थाटामाटात सुरू आहे. आतुरतेने सगळेच श्री गणेश आगमनाची वाट बघत आहेत. सजावटीची तयारी, रोषणाई, बाप्पासाठी गोडधोड पदार्थ सगळ्याची तयारी सुरु झाली आहे. सूर नवा ध्यास नवा कार्यक्रमात सूरवीर गणरायासाठी सुरेल गाणी सादर करणार आहेत.
भाग्य दिले तू मला मालिकेत रत्नमाला मोहितेंच्या घरी बाप्पाचे आगमन होणार आहे. रत्नमाला यांना बाप्पाचा संकेत मिळणार आहे की, कावेरी राजसाठी योग्य आहे. कावेरी, राज आणि घरातील सगळे मिळून सजावटीची तयार करताना दिसणार आहेत. रत्नमाला, कावेरी खास बाप्पासाठी मोदक बनवणार आहेत.