Pod Hotel in Mumbai : मुंबईत देशातील पहिले पॉड हॉटेल सुरू; पाहा, खास फोटो

सेंट्रल स्थानकांवर प्रवाशांना विश्रांतीसाठी जपानच्या धर्तीवर संपूर्ण सुखसोयींनी सुसज्ज असे 'पॉड हॉटेल'(Pod Hotel in Mumbai) इंडियन रेल्वे केटरिंग ॲन्ड टुरिझम कॉर्पोरेशनकडून (IRCTC) तयार करण्यात येणार आहे. या पॉड हॉटेलचे उद्घाटन आज रेल्वे राज्यमंत्री रावसाहेब दानवे(Raosaheb Danve) यांच्या हस्ते करण्यात आले आहे. हे पॉड हॉटेल आजपासून प्रत्यक्षात प्रवाशांसाठी खुले करण्यात आले आहे.

मुंबई : मुंबई सेंट्रल स्थानकांवर प्रवाशांना विश्रांतीसाठी जपानच्या धर्तीवर संपूर्ण सुखसोयींनी सुसज्ज असलेले देशातील पहिले 'पॉड हॉटेल प्रवाशांसाठी खुले करण्यात आले आहे. या पॉड हॉटेल उद्घाटन बुधवारी रेल्वे राज्यमंत्री रावसाहेब दानवे यांच्या हस्ते करण्यात आले. यासोबतच मध्य आणि पश्चिम रेल्वेच्या विविध विकास कामांचे लोकार्पणही रावसाहेब दानवे यांच्या हस्ते करण्यात आले. यावेळी सामाजिक न्याय आणि सक्षमीकरण राज्यमंत्री, रामदास आठवले, पंचायत राज राज्यमंत्री कपिल पाटील, विरोधी पक्षनेते देवेंद्र फडणवीस, मध्य व पश्चिम रेल्वेचे वरिष्ठ अधिकारी उपस्थित होते.

मुंबईत देशातील पाहिले पॉड हॉटेल सुरू; पाहा, खास फोटो

काय आहे पॉड हॉटेल?

रेल्वे प्रवाशांच्या सुविधेसाठी रेल्वेकडून अनेक उपक्रम राबविण्यात येत आहे. त्यातील एक भाग म्हणजे जपानच्या धर्तीवर देशातील पाहिलें 'पॉड हॉटेल मुंबई सेंट्रल स्थानकावर सुरु करण्यात आले आहे. या ‘पॉड हॉटेलची निर्मिती इंडियन रेल्वे केटरिंग ॲन्ड टुरिझम कॉर्पोरेशनकडून करण्यात आली आहे. हे हाॅटेल सर्वसामान्यांच्या बजेटमध्ये राहणार असून सुखसोईंनी सूसज्ज अशा छोट्या आकारांतील हॉटेल असणार आहेबी या पॉड हॉटेलमध्ये ३० खोल्या आहे. हॉटेल सुरु झाल्यानंतर १२ तासांसाठी प्रवाशांना या खोल्या भाड्याने देण्यात येणार आहे. सध्या १२ तासांसाठी प्रति प्रवासी १ हजार दर आकारणार असल्याची माहिती आयआरसीटीसीच्या अधिकाऱ्यांनी दिली.

मुंबईत देशातील पाहिले पॉड हॉटेल सुरू; पाहा, खास फोटो

हाॅटेलमध्ये अशा असणार सुविधा

नागरिकांच्या सुरक्षेसाठी हाॅटेलमध्ये सीसीटीव्ही, स्वच्छता गृह, कॉफीशॉप, वायफाय, यूएसबी पोर्ट, टीव्ही, विद्युत दिवे (याचा प्रकाश कमी-जास्त करण्याची व्यवस्था) असणार आहे. हवेशीर जागा, डिझाईन असलेल्या नक्षी, सरकते दरवाजे, स्मोक डिटेक्ट अशा अन्य सुविधा , संपुर्ण खोल्या वातानुकूलित असतात. कॅप्सूलच्या आकाराच्या या खोल्या असल्याने या खोल्यांना पॉड हॉटेल असे ही बोलले जाते, असे आयआरसीटीसीच्या अधिकाऱ्यांनी सांगितले.

मुंबईत देशातील पाहिले पॉड हॉटेल सुरू; पाहा, खास फोटो

1 कोटी 80 लाखांचा खर्च

मुंबई सेंट्रल रेल्वे स्थानकांवर सुरु करण्यात आलेल्या पॉड हॉटेलला अंदाजे 1 कोटी 80 लाखांचा खर्च आलेला आहे. लांब पल्लांच्या गाड्यांतून प्रवास करून आलेल्या किंवा उपनगरीय रेल्वे प्रवास करणाऱ्या तात्पुरती राहण्याची सोय पॉड हॉटेलमुळे होणार आहे. कमी खर्चात आणि कमी जागेत आधुनिक डिझाईनचे हे पॉड हॉटेल आहे.

मुंबईत देशातील पाहिले पॉड हॉटेल सुरू; पाहा, खास फोटो

आज या कामांचे उद्घाटन
रेल्वे राज्यमंत्री रावसाहेब दानवे यांच्या हस्ते चर्चगेट येथे आयोजित एका कार्यक्रमात रेल्वे सार्वजनिक तक्रार कार्यालयाचे उद्घाटन, पुनर्निर्मित फ्रेरे रोड ओव्हर ब्रिज, पश्चिम रेल्वेच्या मुंबई उपनगरी विभागातील एकात्मिक देखरेख प्रणाली, मुंबई सेंट्रल रेल्वे स्थानकावरील अत्याधुनिक पॉड संकल्पना आधारीत विश्रमालय कक्षाचे उद्घाटनही करण्यात आले. याशिवाय अंबरनाथ आणि कोपर रेल्वे स्थानकांवरील होम प्लॅटफॉर्म, मध्य आणि पश्चिम रेल्वेच्या मुंबई उपनगरी विभागात फूट ओव्हर ब्रिज, एस्केलेटर, लिफ्ट्स आणि टॉयलेट ब्लॉक्स, छत्रपती शिवाजी महाराज टर्मिनस येथील कोच रेस्टॉरंट आणि छत्रपती शिवाजी महाराज टर्मिनस आणि मुंबई सेंट्रल रेल्वे स्थानक येथील एक्झिक्युटिव्ह वेटिंग हॉलचे लोकार्पण देखील करण्यात आले.

रेल्वेच्या विविध नाविन्यपूर्ण कल्पना
रेल्वेचा उदघाटन कार्यक्रमात बोलत असताना रेल्वे राज्यमंत्री रावसाहेब दानवे यांनी सांगितले की, पंतप्रधानांच्या दूरदृष्टीनुसार काम करण्यासाठी रेल्वे प्रयत्नशील आहे. सौंदर्यपूर्ण सुधार होण्यासाठी आणि आपल्या मूल्यवान ग्राहकांना उत्तम सेवा देण्यासाठी रेल्वे विविध नाविन्यपूर्ण कल्पना राबवत आहे. स्टेशन डेव्हलपमेंट, वंदे भारत ट्रेन, रामायण सर्किट ट्रेन, बुलेट ट्रेन आणि डीएफसी (डेडिकेटेड फ्रेट कॉरिडॉर) हे काही प्रकल्प आहेत. ज्यावर रेल्वे काम करत आहे. स्वच्छता आणि सुरक्षितता याला नेहमीच रेल्वेचे प्राधान्य असते. रेल्वेचे सुनिश्चित कालावधीत रेल्वे प्रकल्प पूर्ण करण्याच्या प्रयत्नांबद्दल रेल्वे कर्मचाऱ्यांचे अभिनंदन सुद्धा दानवे यांनी केले आहे.