मुंबई -गणेश विसर्जनाला समुद्रात जाऊ नका असे आवाहन पालिकेने केले होते त्यानंतरही वर्सोवा जेटी येथील समुद्रात 5 मुले रात्री 9 च्या सुमारास गणेश विसर्जनदरम्यान गेली होती. ही सर्व मुले समुद्रात बुडाली असता स्थानिक नागरिकांनी 2 मुलांना वाचवून रुग्णालयात दाखल केले आहे. इतर 3 जणांचा शोध अद्याप लागला नसल्याची माहिती पालिकेच्या आपत्कालीन व्यवस्थापन विभागाकडून देण्यात आली आहे.
वर्सोव्यात गणेश विसर्जनादरम्यान 5 मुले समुद्रात बुडाली; शोधकार्य सुरू
5 मुले बुडाली -
मुंबईत गणेश विसर्जन शांततेत पार पडत असताना रविवारी रात्री 9 च्या सुमारास विसर्जनदरम्यान 5 मुले वर्सोवा जेट्टी येथे गेली होती. समुद्रात ही पाचही मुले बुडाली. मुले समुद्रात बुडाल्याची माहिती मिळताच स्थानिक नागरिकांनी व गावकऱ्यांनी 2 मुलांना वाचवून पालिकेच्या कूपर रुग्णालयात उपचारासाठी पाठवले आहे. त्यांच्या प्रकृतीची माहिती अद्याप उपलब्ध झालेली नाही.