मुंबई- मुस्तफा उर्फ टायगर या अमलीपदार्थ तस्कराला गोव्यातील अंजुना येथील कॅफे अरंबोल येथून अटक करण्यात आली आहे. नार्कोटिक्स कंट्रोल ब्युरो, मुंबई आणि गोवा पोलिसांच्या अंजुना पोलीस ठाण्याच्या पोलिसांकडून करण्यात आलेल्या संयुक्त कारवाईत टायगरला अटक करण्यात यश आले.
टायगर होता फरार
30 एप्रिल रोजी नार्कोटिक्स कंट्रोल ब्युरोच्या मुंबई युनिटला मिळालेल्या माहितीवरून नॉर्थ गोवा येथील अरंबोल बीच जवळील नेगी कॅफे या ठिकाणी छापा मारण्यात आला होता. या ठिकाणी एनबीच्या अधिकाऱ्यांना 58 ग्राम एमफेटामाईन 15 एलएसडी ब्लॉट्स सह कोकेन , हेरॉईन सारखे अमली पदार्थ मिळाले होते . या कारवाईनंतर मुस्तफा उर्फ टायगर हा अमली पदार्थ तस्कर घटनास्थळावरून फरार झाला होता.
एनसीबीच्या अधिकाऱ्यांनी नेगी कॅफेचा केअरटेकर रणवीर सिंग याला अटक केली होती. याबरोबरच या हॉटेलच्या मालकाला चौकशीसाठी समन्स बजावले होते.