Diva Railway Station Inauguration : दिवा स्थानकातील पाचव्या आणि सहाव्या मालिकेचे पंतप्रधानांच्या हस्ते लोकार्पण

दिवा स्थानकातील पाचव्या आणि सहाव्या मालिकेचे ( Diva Railway Station Inauguration ) आज पंतप्रधानांच्या हस्ते लोकार्पण करण्यात आले. दरम्यान, युपीए सरकारच्या चुकांमुळे आणि दिरंगाईमुळे मार्गिका रखडल्याचा दावा पंतप्रधानांनी केला. तर रेल्वेमार्गाच्या विकासाचा मुद्दा कळीचा आणि अडचणींचा असतो. मात्र, मुंबईत ज्याची सुरुवात होते, त्याचे जाळ देशभरात पसरते आणि अनुकरण ही केले जाते, असा चिमटा मुख्यमंत्र्यांनी ( CM Uddhav Thackeray ) काढला.

मुंबई -दिवा स्थानकातील पाचव्या आणि सहाव्या मालिकेचे ( Diva Road Inauguration ) आज पंतप्रधानांच्या हस्ते लोकार्पण करण्यात आले. दरम्यान, युपीए सरकारच्या चुकांमुळे आणि दिरंगाईमुळे मार्गिका रखडल्याचा दावा पंतप्रधानांनी केला. तर रेल्वेमार्गाच्या विकासाचा मुद्दा कळीचा आणि अडचणींचा असतो. मात्र, मुंबईत ज्याची सुरुवात होते, त्याचे जाळ देशभरात पसरते आणि अनुकरण ही केले जाते, असा चिमटा मुख्यमंत्र्यांनी ( CM Uddhav Thackeray ) काढला. चांगल्या कामांत नेहमीच अडथळा आणला जातो, असा टोला अप्रत्यक्षपणे भाजपला लागवत फटकेबाजी केली.

उद्धव ठाकरेंनी मानले नरेंद्र मोदींचे आभार -

केंद्र आणि राज्य शासनाच्या 50:50 टक्के सहभागातून टाकण्यात आलेल्या ठाणे आणि दिवा दरम्यानच्या नवीन ५व्या आणि ६व्या रेल्वे मार्गिकांचे लोकार्पण आणि अतिरिक्त उपनगरीय सेवांचे उद्घाटन पंतप्रधान नरेंद्र मोदी यांच्या हस्ते आज पार पडले. राज्यपाल भगत सिंह कोश्यारी, मुख्यमंत्री उद्धव ठाकरे दुरदृश्य वाहिनीवरून सहभागी झाले होते. मुख्यमंत्री उद्धव ठाकरे यांनी बोलताना, पंतप्रधान मोदी यांचे आभार मानले. वॉटर टॅक्सीचे लोकार्पणसाठी केंद्राचा सहभाग, सहकार्य मिळाल्याचा उल्लेख केला. मुंबईमध्ये ज्याची सुरवात होते. त्याच जाळं देशभर पसरते. त्याचे अनुकरण केले जाते. देशातील पहिली रेल्वे ठाणे ते मुंबई अशी सुरु झाली होती. इंग्रजांनी ही रेल्वे सुरु केली. त्यावेळी प्रवाशांनी या सेवेचा वापर करावा, यासाठी इंग्रज एक रुपयांचे बक्षिस देत होते. पुढे त्यांनी बक्षिस बंद करून तिकीट सुरु केल्याची आठवण मुख्यमंत्री ठाकरे यांनी करून दिली.

'दिवास्वप्न आज सगळ्यांच्या प्रयत्नाने पूर्ण' -

आजपर्यंत हा रेल्वेचा प्रवास आपल्या डोळ्यासमोर आहे. आज अशा प्रकल्पांसाठी, काम करण्यात आजचा आपला तरूण खासदार डॉ. श्रीकांत शिंदे नेहमीच पुढे असतो. ते मेहनती आहेत. त्यांनी अंबरनाथच्या प्राचीन मंदिरांचा सर्वांग सुंदर विकास केला आहे. या रेल्वे मार्गिकांचा विकास हा कळीचा मुद्दा होता. त्यासाठी अडचणीही होत्या. स्थानिक पातळीवरही खूप प्रयत्न झाले. चांगल्या कामात नेहमीच अडथळा आणला जातो, असे टिप्पणी मुख्यमंत्री ठाकरे यांनी करताना केंद्राकडूनही सहकार्य मिळाले. त्यामुळेच हे दिवास्वप्न आज सगळ्यांच्या प्रयत्नाने पूर्ण होते आहे. ज्याचा फायदा नागरिकांना होणार असल्याचे मुख्यमंत्री म्हणाले. विकास हा वाहतुकीच्या मार्गांद्वारेच होत असतो. मग ती मेट्रो असो, रस्ते असो जलमार्ग असोत, जशा शरीरात रक्तवाहिन्या असतात. तसे हे मार्ग विकासवाहिन्या आहेत. त्यांचे जाळे घट्ट, विण घट्ट असेल तर विकास अधिकचा होतो. जसा विकास होतो आहे. तशी लोकसंख्या वाढते, या वाढत्या लोकसंख्येला अधिक सुविधा द्याव्या लागतात. त्या सुविधा देण्यासाठी आम्ही प्रयत्नशील असून पंतप्रधान मोदी यांच्याकडून निश्चित सहकार्य लाभेल, आशावाद मुख्यमंत्र्यांनी व्यक्त केला.

हेही वाचा -Raosaheb Danve : रेल्वे राज्यमंत्री रावसाहेब दानवेंनी भजे, वडापाववर मारला ताव, हॉटेलचे बिल न देताच गेले परत