मुंबई -राज्यात कोरोना विषाणूचा फैलाव रौद्ररूप धारण करत असून यावर उपाय योजना रण्यात येत आहेत. मात्र, खबरदारीचा उपाय म्हणून राज्यातील शाळा, महाविद्यालयांना सुट्टी जाहीर करावी, अशी मागणी सागर शिवाजीराव जोंधळे यांनी मुंबई उच्च न्यायालयात केली आहे.
राज्यात शाळा-महाविद्यालयांना सुट्टी जाहीर करा, उच्च न्यायालयात याचिका दाखल
मुंबई उच्च न्यायालयाचे प्रभारी मुख्य न्यायाधीश भूषण धर्माधिकारी आणि न्यायमूर्ती नितीन बोरकर यांच्या खंडपीठासमोर ही याचिका आली आहे. यावर सोमवारी सुनावणी होणार आहे. या याचिकेत शाळा, कॉलेज, सरकारी कार्यालये, न्यायालये, लवाद या ठिकाणी प्रशिक्षित डॉक्टर्स नेमावेत, अशीही मागणी करण्यात आली आहे.