मुंबई- सुशांतसिंह राजपूत प्रकरणी गेल्या 11 दिवसांपासून सीबीआयकडून चौकशी केली जात आहे. 14 जूनला सुशांतसिंह याने त्याच्या बांद्रा स्थित घरी आत्महत्या केल्यानंतर त्याचा मृतदेह पोस्टमॉर्टमसाठी कूपर रुग्णालयात पाठवण्यात आले होते. त्यानंतर 15 जूनला सुशांतची मैत्रीण रिया चक्रवर्ती ही कूपर रुग्णालयात तब्बल 45 मिनिटे असल्याचे समोर आल्यानंतर यासंदर्भात राज्य मानवाधिकार आयोगाकडून कूपर रुग्णालयाचे डीन डॉक्टर पिनाकिन गुर्जर यांना नोटीस बजावण्यात आली होती.
या संदर्भात तोंडी उत्तर देताना कूपर रुग्णालयाचे डीन डॉक्टर पिनाकिन गुर्जर यांनी रिया चक्रवर्ती ही शवगृहात गेल्याचं रुग्णालयाच्या प्रशासनाला माहीत नसल्याचे म्हटले आहे.