उद्धव ठाकरेंनी रुग्णालयात जावून लता मंगेशकरांची घेतली भेट

उद्धव ठाकरे यांनी गुरुवारी मुख्यमंत्रिपदाची शपथ घेतली. त्यानंतर दुसऱ्याच दिवशी त्यांनी रुग्णालयात जावून लता मंगेशकर यांची भेट घेतली.

मुंबई -राज्याचे मुख्यमंत्री उद्धव ठाकरे यांनी गानकोकिळा लता मंगेशकर यांची ब्रँच क्रँडी रुग्णालयात जावून भेट घेतली. त्यांना छातीमध्ये झालेला प्रादूर्भाव आणि श्वसनासंबंधीच्या समस्येमुळे रुग्णालयात दाखल करण्यात आलेले आहे.

उद्धव ठाकरे यांनी गुरुवारी मुख्यमंत्रिपदाची शपथ घेतली. त्यानंतर दुसऱ्याच दिवशी त्यांनी रुग्णालयात जावून लता मंगेशकर यांची भेट घेतली. चालू महिन्याच्या प्रारंभी दिग्दर्शक मधुर भांडारकर आणि महाराष्ट्र नवनिर्माण सेनेचे अध्यक्ष राज ठाकरे यांनीदेखील रुग्णालयात जावून त्यांच्या तब्येतीची विचारपूस केली. त्यांची तब्येत स्थिर असल्याचेही राज ठाकरे यांनी म्हटले होते.

हेही वाचा-आता मुक्काम पोस्ट 'वर्षा'; लवकरच ठाकरे घेणार मुख्यमंत्री निवासस्थानाचा ताबा

लता मंगेशकर यांनी 1942 मध्ये चित्रपटसृष्टीत कारकीर्द सुरू केली. त्यांना संगीत क्षेत्रातील अतुलनीय योगदानाबद्दल भारतरत्न, पद्मभुषण, पद्मविभूषण आणि दादासाहेब फाळके आदी पुरस्कारांनी सन्मानित करण्यात आले आहे. 'ये मेरे वतन के लोगो' अशा विविध गाण्यांमुळे त्यांची जनमानसात वेगळी छाप पडलेली आहे. त्यांनी 20 भारतीय भाषांमध्ये 25 हजार गीत गायले आहेत.