पुणे - महाराष्ट्रातील काही अपवादात्मक जिल्हे सोडल्यास कोरोना रुग्ण संख्या अटोक्यात येऊ लागली आहे. ही बाब लक्षात घेऊन मुख्यमंत्र्यांनी राज्यातील मंदिरे खुली केली. आता चित्रपटगृहे व नाट्यगृहेही खुली केली जाणार आहेत. त्याचे संकेत मुख्यमंत्र्यांनी नुकतेच दिले होते. त्यानुसार मंगळवारी राज्य शासनाने नाट्यगृहे सुरू करण्यासंदर्भातील आदेश काढले. मात्र, नाट्यगृहे सुरू करताना काही अटी व शर्ती लागू करण्यात आल्या आहेत.
कोरोनाचे नियम पाळून चित्रपटगृह सुरू होतील मुख्यमंत्री उद्धव ठाकरे यांनी राज्यातील चित्रपटगृहे आणि नाटयगृहे 22 ऑक्टोबर नंतर आरोग्याचे नियम पाळून खुले करण्यास परवानगी देण्यात येईल, अशी घोषणा 25 सप्टेंबरला केली होती. या घोषणेनुसार राज्य सरकारच्या पर्यटन व सांस्कृतिक कार्य विभागाचे उपसचिव विलास थोरात यांनी मंगळवारी एक शासन आदेश जाहीर केला. त्यात नाट्यगृहे सुरू करताना मार्गदर्शक सूचना सांगण्यात आल्या आहेत. काय आहेत अटी या शर्ती
- चित्रपटगृहे, नाटय़गृहे ५० टक्के आसनक्षमतेसह सुरू करण्यास परवानगी असेल.
- दोन प्रेक्षकांमध्ये एका खुर्चीचे अंतर ठेवावे.
- चित्रपटगृहांमध्ये मोकळ्या जागांमध्ये गर्दी होणार नाही, याची काळजी घेणे बंधनकारक आहे.
- सिनेमागृहांमध्ये येणाऱ्या प्रेक्षकांना मुखपट्टी बंधनकारक आहे.
हेही वाचा -Gangster Suresh Pujari : कुख्यात गँगस्टर सुरेश पुजारीला फिलिपिन्समध्ये अटक; सूत्रांची माहिती
