पालघराचा जीवघेणा ब्लाइंड स्पॉट, सायरस मिस्त्रींसह इथे अपघातामुळे अनेकांचा मृत्यू

मिस्त्री यांच्या अपघातामुळे मुंबई-अहमदाबाद महामार्गावर असलेला ब्लाइंड स्पॉट पुन्हा चर्चेत आला आहे. कारण, या अपघाताचा तपास करणाऱ्या पालघर पोलिसांनी महामार्गावर असलेल्या 'ब्लाइंड स्पॉट्स'चाही उल्लेख केला आहे. केंद्रीय वाहतूक मंत्री नितीन गडकरी यांनी ऑगस्टमध्येच 'ब्लाइंड स्पॉट'चा उल्लेख केला होता. ते म्हणाले होते की, देशात दरवर्षी पाच लाख रस्ते अपघात होतात. ज्यामध्ये 1.50 लाखांहून अधिक लोक आपला जीव गमावतात.

मुंबई - टाटा सन्सचे माजी चेअरमन सायरस मिस्त्री यांचा रविवारी मुंबईजवळ एका रस्ते अपघातात मृत्यू झाला. सायरस मिस्त्री अहमदाबादहून मुंबईला कारने परतत होते. या अपघातामुळे मुंबई-अहमदाबाद महामार्गावर असलेला ब्लाइंड स्पॉट पुन्हा एकदा चर्चेत आला आहे. कारण, या अपघाताचा तपास करणाऱ्या पालघर पोलिसांनी महामार्गावर असलेल्या 'ब्लाइंड स्पॉट्स'चाही उल्लेख केला आहे.

अधीक्षक बाळासाहेब पाटील यांची माहिती -पालघरचे एसपी बाळासाहेब पाटील यांनी मुंबई-अहमदाबाद रोडवर अनेक ठिकाणी आढळलेल्या ब्लाइंड स्पॉट्सचा उल्लेख केला. ते म्हणाले की, "हा मुद्दा ब्लाइंड स्पॉट एलिमिनेशन कमिटीकडे मांडण्यात आला आहे. NHAI हे 'ब्लाइंड स्पॉट्स' नष्ट करण्यासाठी काम करत आहे. मात्र, सुरक्षेच्या कारणास्तव त्यावर लक्ष ठेवणे आवश्यक आहे. ओव्हरस्पीडिंगमुळे नियंत्रण सुटल्याने हा अपघात झाल्याचे पालघरचे एसपी बाळासाहेब पाटील यांनी सांगितले. प्राथमिक तपासात नियंत्रण सुटल्याने हा अपघात झाल्याचे त्यांनी सांगितले. ते म्हणाले, वेग जास्त असल्याने गाडी चालवणाऱ्या व्यक्तीला गाडीवर नियंत्रण मिळवता आले नाही.

मंत्री गडकरींनी केला होता ब्लाइंड स्पॉटचा उल्लेख -केंद्रीय वाहतूक मंत्री नितीन गडकरी यांनी ऑगस्टमध्येच 'ब्लाइंड स्पॉट'चा उल्लेख केला होता. ते म्हणाले होते की, देशात दरवर्षी पाच लाख रस्ते अपघात होतात. ज्यामध्ये 1.50 लाखांहून अधिक लोक आपला जीव गमावतात. सविस्तर प्रकल्प अहवालातील (डीपीआर) चुका हे रस्ते अपघातांचे प्रमुख कारण असल्याचे त्यांनी सांगितले होते. गडकरी म्हणाले होते की, डीपीआर तयार करताना दर्जेदार बदलांची गरज आहे, ज्यामध्ये ब्लाइंड स्पॉट्सवर विशेष भर देण्याची गरज आहे.

NCRB चा डाटा -NCRB च्या अहवालानुसार, 2017 मध्ये, राज्य महामार्ग वाहतूक पोलिसांनी मुंबई अहमदाबाद राष्ट्रीय महामार्गावर NH 8 वर 45 ब्लाइंड स्पॉट ओळखले होते. 1,428 किमी लांबीच्या या महामार्गावर 2016 मध्ये 1,169 अपघात झाले होते. ज्यात 307 लोकांचा मृत्यू झाला होता. मात्र, तेव्हा एनएचएआयने ब्लाइंड स्पॉट कमी करण्याचे काम सुरू असल्याचे सांगितले होते.