Mumbai : 'वरळीतील मैदानावर गांधींजींच्या नावाचा फलक लावा, अन्यथा..'; भाजपाचा सेनेला इशारा

राज्यातील आणि मुंबई महापालिकेत विरोधी पक्षात असलेल्या भाजपाने सत्ताधारी शिवसेनेला ( BJP Critisize Shivsena over Renameing ) लक्ष केले आहे. आज पुन्हा भाजपाने स्थायी समितीमध्ये वरळी येथील जांभोरी मैदानावर महात्मा गांधीजींच्या नावाचा ( Warali Ground Mahatma Gandhi Name Board ) फलक दहा दिवसात न लावल्यास गांधीगिरी स्टाईलने आंदोलन करण्याचा इशारा दिला आहे.

मुंबई -मालाड येथील उद्यानाला टिपू सुलतानचे ( Tipu Sultaan Name For Malad Park ) नाव दिल्याने वाद उफाळून आला आहे. टिपू सुलतान नावावरून राज्यातील आणि मुंबई महापालिकेत विरोधी पक्षात असलेल्या भाजपाने सत्ताधारी शिवसेनेला ( BJP Critisize Shivsena over Renameing ) लक्ष केले आहे. आज पुन्हा भाजपाने स्थायी समितीमध्ये वरळी येथील जांभोरी मैदानावर महात्मा गांधीजींच्या नावाचा ( Warali Ground Mahatma Gandhi Name Board ) फलक दहा दिवसात न लावल्यास गांधीगिरी स्टाईलने आंदोलन करण्याचा इशारा दिला आहे.

'तर आंदोलन करू' -

मालाडमधील मैदानाला अनधिकृतरित्या क्रूरकर्मा टिपू सुलतानचे देणाऱ्या सत्ताधारी शिवसेनेला मात्र, वरळी बी.डी.डी. चाळीतील जांभोरी मैदानावर महात्मा गांधीजींच्या नावाचा फलक लावण्याचेदेखील भान उरले नाही. राज्याचे पर्यावरण मंत्री आदित्य ठाकरे यांच्याहस्ते मैदानाचे लोकार्पण झाल्यावरही सत्तेसाठी धर्मांध शक्तींशी हातमिळवणी करणाऱ्यांना महात्म्याचा विसर पडावा, हे दुर्दैवी असल्याची टीका भारतीय जनता पक्षाचे गटनेते प्रभाकर शिंदे यांनी आज स्थायी समितीत माहितीचा मुद्दा उपस्थित करत केली. मैदानात दहा दिवसांमध्ये महात्मा गांधीजींच्या नावाचा फलक न लावल्यास भाजपतर्फे गांधीगिरी स्टाईलने आंदोलन करण्यात येईल, असा इशारा शिंदे यांनी दिला.

‘नावाचा फलक लावतील का’-

जांभोरी मैदानास स्वातंत्र्य लढ्यामध्ये राष्ट्रपिता महात्मा गांधीजींचा पदस्पर्श झाला होता. स्वातंत्र्यानंतर या मैदानाचे नामकरण 'महात्मा गांधी मैदान' असे करण्यात आले. या मैदानाला ऐतिहासिक व हेरिटेज दर्जा प्राप्त झाला आहे. नुकतेच या मैदानाचे सुशोभिकरण करण्यात आले. राज्याचे पर्यावरण मंत्री यांच्या शुभहस्ते त्यांच्याच मतदार संघातील या उद्यानाचे लोकार्पणही करण्यात आले. परंतु या संपूर्ण मैदानाचे नूतनीकरण केल्यानंतर मैदानातील कुठल्याही प्रवेशद्वारावर अथवा पर्यावरण मंत्री यांच्या ट्विटमध्ये 'महात्मा 'गांधी मैदान'असा उल्लेख नाही. पर्यावरण मंत्री, महापौर, आयुक्त या ऐतिहासिक मैदानाचे नाव विसरलेत काय? क्रूरकर्मा टिपू सुलतानच्या अनधिकृत नामफलकाला संरक्षण देणारे, आजही अनधिकृत नामफलक दिमाखात प्रवेशद्वारावर मिरवत ठेवणारे महापालिकेतील सत्ताधारी शिवसेनेचे नेते आता वरळीतील मैदानावर अधिकृत नामकरणाचा फलक 'महात्मा गांधी मैदान' असा त्वरित लावतील काय, असा प्रश्न उपस्थित करत शिंदे यांनी सत्ताधाऱ्यांना धारेवर धरले.

हेही वाचा -Why i Killed Gandhi : 'व्हाय आय किल्ड गांधी' चित्रपट प्रदर्शित करू नका; आझाद मैदानात निदर्शने