Omicron in Maharashtra : विनामास्क फिरणाऱ्या भाजप आमदाराला ठोठावला दंड

तब्बल दोन वर्षानंतर राज्यात कोरोनाचा (Corona In Maharashtra) धोका आटोक्यात येत असल्याचे वाटतं असताना आता कोरोनाचा नवीन व्हेरियंट असलेल्या ओमायक्रॉनने (Omicron) टेंशन वाढवले आहे त्यामुळे मोठ्या प्रमाणात निर्बंध घालण्यात आले आहेत. नियमांचे पालन करताना लोकप्रतिनिधी चुकले तर त्यांच्यावरही कारवाई होत आहे. चाळीसगावचे आमदार मंगेश चव्हाण यांनी मास्क न घातल्याने पोलिसांनी त्यांच्याकडून दंड वसूल केला आहे.

मुंबई - राज्यावर कोरोना बरोबरच ओमायक्रॉनचे संकट घोंघावत असताना राज्य (Omicron variant)सरकारकडून कोरोनाची नवीन नियमावलीचा लोकप्रतिनिधींना विसर पडला आहे. (Corona Virus)अशा लोकप्रतिनिधींवर मंत्रालयातील पोलिसांनी कारवाई करत नियमांची आठवण करून दिली आहे. मंत्रालयात पोलिसांनी चाळीसगावचे आमदार मंगेश चव्हाण (MLA Mangesh Chavan) यांच्यावर कारवाई केली. चव्हाण हे भाजपचे आमदार आहेत. (Mumbai Police Omicron) मंत्रालयातून बाहेर पडताना मास्क नसल्याने पोलिसांनी त्यांना २०० रुपयांचा दंड ठोकला आहे. आमदारांवर कारवाई करणाऱ्या कर्तव्यदक्ष पोलिसांचे मंत्रालयात कौतुक होत आहे.

वसुली सरकार

कायदा सर्वांसाठी सारखा आहे. मी कायदा मोडल्याने कारवाई झाली त्यात काही गैर नाही. मी मास्क लावलेला नसल्याने पोलिसांनी माझ्याकडून २०० रुपये घेतले. खरे तर या सरकारमध्ये सर्वत्र जोरदार वसुली सुरु आहे, असा आरोप मंगेश चव्हाण (BJP MLA Mangesh Chavan) यांनी करताना कायद्याच्या वसुलीचे मी कौतुक करतो, असही ते म्हणाले. मी माझ्या मतदारसंघात गरिबांना लुटण्याचे स्टिंग केले होते. या सरकारने त्यात लक्ष घालून दोषींना शिक्षा द्यावी. आजच्या कारवाईचे काही वाईट वाटत नसल्याचे आमदार चव्हाण यांनी सांगितले.

ओमायक्रोनचे 28 रुग्ण

महाराष्ट्रावर ओमायक्रॉनचे (Omicron in Maharashtra) संकट दिवसेंदिवस वाढत चालले आहे. राज्यात आता ओमायक्रॉन रुग्णांची संख्या 28 वर पोहोचली आहे. मुंबई, पुणे, पिंपरी चिंचवड, नागपूरमध्ये ओमायक्रॉनचे रुग्ण आढळले आहेत.

काम करणाऱ्या ज्या कर्मचाऱ्यांनी लस घेतली नसेल त्यांच्यावर कारवाई करण्याचे आदेश

मुंबईत कोरोना विषाणूचा (Coronavirus ) प्रसार आटोक्यात आहे. मात्र, साऊथ आफ्रिकेत ओमीक्रोन ( Omicron ) हा कोरोनाचा नवीन विषाणू ( Corona Update ) आढळून आला आहे. तसेच युरोपमध्ये पुन्हा कोरोना रुग्ण संख्या वाढली आहे. या पार्श्वभूमीवर मुंबईमधील सार्वजनिक ठिकाणी लसीचे दोन डोस घेतले असतील अशाच नागरिकांना प्रवेश दिला जावा. तसेच विविध आस्थापना, दुकाने, मॉल, चित्रपट गृह अशा सार्वजनिक ठिकाणी काम करणाऱ्या ज्या कर्मचाऱ्यांनी लस घेतली नसेल त्यांच्यावर कारवाई करण्याचे आदेश बृहन्मुंबई महानगरपालिकेचे (BMC) आयुक्त इकबाल सिंह चहल यांनी दिले आहेत. त्या पार्श्वभूमीव विधानसभा, विधानपरिषद या सभाग्रहाच्या सदस्यांनाही हे नियम लागू आहेत.

हेही वाचा - Amol Mitkari Criticizes AIMIM : एमआयएम ही आरएसएसची शाखा -अमोल मिटकरी